PBL Silver Cup di-dribol ngayon

Papagitna ang mga kasalukuyang pinakamahuhusay na college basketball players para sa bagong era ng Philippine Basketball League na magbubukas ng kanilang ika-25th seaso na na may malapiyestang kapaligiran at kapana-panabik na aksiyon sa New San Juan Arena, ngayon.

Ipaparada ng Harbour Centre ang bagong mukhang koponan laban sa Hapee-PCU sa alas-2 ng hapon habang makikipagtagpo naman ang San Beda reinforced Magnolia Ice-Cream sa Sista sa alas-4:00 ng hapong main game para sa nakatakdang double-header ng season opening Silver Cup.

Isang maikli ngunit makulay na opening ceremony ang magbubukas sa twinbill kung saan malugod na tatanggapin nina Commissioner Chino Trinidad at chairman Gil Angeles ng Toyota-Otis at ng pamilya ng PBL ang bowling great at guest of honor na si Paeng Nepomuceno.