8th Asian Women’s Softball Championship hahataw

Inaasahang magkakaroon ng engrandeng araw ang mga paborito na kinabibilangan ng Philippine Blu Girls sa kanilang pakikipaglaban sa Thailand sa panimula ng 12-nation 8th Asian Women’s Softball Tour-nament sa Rizal Ballpark.

Pangungunahan ng pangunahing hurler ng bansa na si Maria Corazon Soberre ang kampanya ng Blu Girls kontra sa Thai girls sa ganap na ala-una ng hapon, ng isa sa anim na nakatakdang laro ngayong araw.

Magaan din ang panimu-lang laban ng defending cham-pion China, Athens Olympics bronze medalist Japan, South Korea, North Korea at Chinese-Taipei sa torneong ito na magsisilbing Asian elimi-nations para sa 2007 World Championship sa Shanghai.

Makakalaban ng Chinese-Taipei ang Indonesia sa alas-10 ng umaga habang ang palagiang finalist at three-time titlist Japan naman ay makiki-pagtipan sa Hong Kong sa pambungad na salpukan sa alas-8 ng umaga.

Makikipagpalitan ng palo ang South Korea sa Singapore sa alas-3 ng hapon na susun-dan ng bakbakan ng Chinese-Taipei at India sa alas-5 ng hapon at sa pinakahuling laro naman maghaharap ang North Korea at Malaysia sa alas-7 ng gabi.

Magkakaroon naman ng simpleng seremonyas sa ganap na alas-12 ng tanghali kung saan mismong si World Softball Federation president Don Porter.