Putot ug baboy

Giratipikahan sa Senado ang rekonsilado nga Senate Bill Number 1563 ug House Bill Number 8261, mga balaudnon nga mag-amendar sa Republic Act Number 9263, 10575 ug 6975 nga nagpaus-os sa gikinahanglan nga gitason sa gustong mamahimong polis, bombero, bantay sa mga piniriso ug opisyal sa mga prisohan gikan sa 5’4 alang sa mga lalaki ug 5’2 alang sa mga babaye ngadto sa 5’2 para sa mga lalaki ug 5’0 alang sa mga babaye ngadto sa 5’2 alang sa mga lalaki ug 5’0 para sa mga babaye.

Si Senador Ronald “Bato” Dela Rosa nga maoy amahan sa balaudnon sa Senado mihulagway sa balaudnon nga yawe sa ganghaan sa pagpangalagad ngadto sa katawhan.

Ang balaudnon nagtimbaya ug mihangop  niadtong mga mugbo o putot apan naghupot og dagko nga kasingkasing sa pag-alagad o pagserbisyo sa nasud. Ang gitason ug physical nga characteristics dili sukdanan sa kadasig ug dedikasyon sa usa ka tawo, dugang pa sa Senador.

Ang gitason ug gimub-on adunay bintaha ug disbintaha. Ang taas dali nga makakita sa kontra samtang ang mubo dili dali nga maigo sa bala.

* * *

Girekomendar sa Department of Agriculture kang Presidente Duterte ang pagpaus-os sa taripa nga ipatong sa mga karneng baboy nga angkaton sa gawas sa nasud. Gawas niini, ila usab nga girekomendar ang pag-angkat og mas daghan pang karneng baboy sa gawas sa nasud.

Apan gibulgar ni Senador Ping Lacson nga mokita ang sindikato sa mga importers ug Department of Agriculture og unom ka bilyon ka pesos nga tongpats o kickbacks sa angkaton nga karneng baboy sa gawas sa nasud.

Uyonan kaha ni Presidente Duterte ang rekomendasyon sa Department of Agriculture?