^

PSN Opinyon

Mga lagda sa botasyon

HINUKTOKI - Pepita Jane Petralba, Nixon Kua -
Atong hisgotan kining mga lagda sa umaabot nga piniliay karong Mayo 14, 2007.

Atong katungod nga mga narehistro nga mobotar karong piniliay. Magsugod ang botasyon sa alas siyete sa buntag ug mahuman sa alas tres sa hapon. Kadtong dili pa matagad pag-abot sa alas tres, mahimo gihapon nga mobotar basta nga anaa na sila sa presinto sa wala pay alas tres, ug ang hinungdan nga wala sila makabotar dayon mao nga daghan pa ang naglinya.

Aron mapadali ang pagbotar, mas maayo kon ang botante nakahibalo na sa iyang numero didto sa listahan sa mga botante. Ang kopya sa maong listahan o CVL ipapilit sa may pultahan sa presinto. Dili hinuon balibaran sa pagbotar ang usa ka botante kon wala siya kahibalo sa iyang numero sa listahan, tungod kay katungdanan man sa mga nagdumala o Board of Election Inspectors ang pagsusi diha sa ilang listahan.

Aron makabotar ang usa ka illiterate, kinahanglan nga narehistro siya isip usa ka illiterate, ug mobotar siya pinaagi sa iyang assistor. Ang assistor kinahanglan nga iyang paryente o kauban sa balay bisan kon dili paryente. Kon wala siyay paryente o kauban sa balay nga maka-asistir kaniya, ang illiterate nga botante mahimong asistihan sa Board of Election Inspectors. Ang assistor kinahanglan nga manumpa ug mohimo og Affidavit nga ang iyang isulat sa balota sa illiterate nga botante mao lamang ang mga kandidatong gustong botaran sa maong botante.

Kadtong mga adunay kabilinggan sa panglawas o physically disabled mahimo usab nga mobotar pinaagi sa assistor. Dili na kinahanglan nga narehistro siya isip physically disabled kay aduna may uban nga ang ilang kabilinggan nahiaguman nila pagkahuman na sa ilang pagpa-rehistro.

Mientras ginadili ang pagpangampanya ug pagpanghatag og mga leaflets sa mga kandidato sa adlaw sa piniliay, dili supak sa balaod kon ang botante magdala og papel o listahan sa iyang botaran o kopyahon sa iyang balota. Giisip nga giya lamang kini sa botante.

Alang sa mga opisyales sa barangay o mga ginsakpan sa pulis ug military, gidili alang kanila ang pagsulod sa presinto gawas kon sila mobotar. Makasulod lamang ang pulis sa presinto kon ipatawag sila sa mga nagdumala sa eleksyon.

Dunay mga higayon nga mahutdan og balota ang usa ka presinto. Kon mahitabo kini, ang Board of Election Inspectors kinahanglan nga mopahibalo gilayon sa Election Officer kinsa usab mopahibalo ug mananghid sa Commission on Elections sa Manila sa pagtugot nga mogamit ug emergency ballots. Ang maong pagtugot kinahanglan nga nahisulat ug pinirmahan sa mga membro sa Commission.

Ginadili ang ilimnong makahubog sa adlaw sa piniliay. Ang silot sa mosupak sa bisan unsang mga lagda sa piniliay mao ang pagka-bilanggo sulod sa usa hangtod sa unom ka tuig. Bisan nga dili kaayo dako ang maong silot, ang nakaparat kay dili maka-apply og probation ang makonbikto niini. Nga sa ato pa, mahidangat gyud siya sa Muntinglupa bisan sa mga gagmay kaayong kalapasan sa eleksyon.
* * *
Alang sa inyong mga panahom ug reaksyon, palihug e-mail sa [email protected] o text sa 0915-5536986. Daghang salamat.

ARON

ATONG

BOARD OF ELECTION INSPECTORS

BOTANTE

DILI

ELECTION OFFICER

KON

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with