Panlantaw

Duha ka mga langaw ang naglupad-lupad sa may kisame sa usa ka balay. Ang unang langaw nagkanayon sa ikaduha: 'Tan-awa ra gud, kining mga tawo gyud, mga buang!" ang ikaduhang langaw nga giabot og katingala nagkanayon: "Kay ngano gud tawon?" Ang unang langaw nipadayag: "Tan-awa kon dili pa sila hanggaw, nganong patuga man sila og himo og kisame nga taas ra kaayo unya sila tua nagpaso-paso ra sa salog!"

Pamalandong

Magkadaiya ang panlantaw sa usa ka tawo. Ang panlantaw ug paghukom sa mga butang, maga-depende sa dapit o oryentasyon diin ang usa ka tawo naggikan.