Ang gobiyerno: Bearer of the truth!

Sige tag hisgot og kamatuoran .... truth. Pagkakaron, naglibug ang lungsod. Alang sa daghan kanato, daghang mga pangutana ang waa matubag. Kon matubag man,magpabilin ang pangutana kon ang tubag mao ba ang truth.

Gumikan niini, we are in a dilemma.Waa ta masayod kon kinsa ang atong tuhoan.

Unta, alang sa usa ka gobiyerno nga malinis, maligdong ug nag-awas-awas ang ka-sinsero, siya unta, ang tinubdan sa kamatuoran. Unta, inigsulti sa gobiyerno, waa nay mahabilin nga pangutana, ug waa nay isyo nga magpabiling misteryo sa hunahuna sa katawhan.

Mao ba ni ang atong gobiyerno karon, Dro? Nga inig-abli sa iyang baba, tuo gyud tang tanan, beyond reasonable doubt?

Mao ni ang angayan paningkamotan sa atong gobiyerno karon ... Credibility. Kinahanglan at all times, credible ang gobiyerno.

Nga inig-ingon nga waa sila mamakak, waa manikas ug waa mangawat, kinahanglan motuo dayon ang lungsod. Kay kon maglisud pagtuo ang lungsod, di mahapsay ang pagpadagan sa panggobiyerno.

So, credibility ... aron moguwa ang kamatuoran. Transparency, aron di magduda ang lungsod. Lisud ba god ning buhaton, Dro? Lisud kon duna kay gitagoan, lisud kon namakak ka.

Ug tungod kay medyo nahigmata na man karon ang Pinoy, di maayong kompiyansaan ang sentimento sa katawhan, ang public opinion. Maayong maminaw, maayong ma-mulso. Ilabina kadtong nagpakahilom lang. Ang silent majority.

Unsa man ang tinuod nga sentimento sa katawhan? Unsa man ang ilang mga gihandum nga mahitabo aron ma-arang-arang unta ang ilang pagkabutang karon?

Kinahanglan maminaw ang gobiyerno sa mga yango-ngo sa katawhan. Don't ignore them. Don't take them for granted. Unsa ang ilang mga priorities? Pork barrel ba? Mga sakyanang Adventure ba? Mga seminar ug mga convention ba sa mga local elected officials ba? Charter change ba? E-vat ba?

Kini ug daghan pa nga mga legitimate concern sa katawhan. Mr. Government, unsa may imong ikasulti ini. Don't tell me, si Pedro na say imong patubagon ini.