DPWH, may 24-hr road works sa Metro Manila ngayong Holy week
MANILA, Philippines — Sasamantalahin umano ng Department of Public Works and Highways (DPWH) ang Holy Week upang makapagsawa ng 24-hour road works sa mga pangunahing lansangan sa Metro Manila.
Sa abiso ng DPWH, nabatid na magsisimula ang mga naturang road works dakong alas-11:00 ng gabi sa Miyerkules Santo, Marso 27, at magpapatuloy hanggang alas-5:00 ng madaling araw ng Abril 1.
Kabilang umano sa mga lugar na apektado ng road works ay ang Batasan-Commonwealth Tunnel, Filinvest 1 Road harapan ng Sandigan (1st lane from plantbox, Quezon City); West Avenue, Ligaya St. hanggang Del Monte Avenue (1st lane from sidewalk), Quezon City; Luzon Avenue SB, Congressional Avenue Ext. hanggang bago dumating sa Luzon Flyover (1st lane from center), Quezon City; at Commonwealth Avenue, Landbank hanggang Elliptical Road (3rd lane from sidewalk), Quezon City.
Apektado rin ang Mindanao Avenue, Tandang Sora Avenue hanggang Longines St. (truck lane), Quezon City; Mindanao Avenue Tunnel hanggang Sauyo Road (truck lane), Quezon City; Payatas Road, Batasan Road hanggang Bayanihan St., Quezon City; Payatas Road pagitan ng Singko St. & Leyte St., Quezon City; at Payatas Road bago dumating ng Maynilad Pumping Station hanggang Petron Gas Station (1st lane from sidewalk), Quezon City.
May road works din sa IBP-San Mateo Road, Quezon City; Roxas Boulevard NB pagitan ng Lourdes St. & Vicente Sotto St., Pasay City; Roxas Boulevard NB between Remedios St. & Pasaje Del Carmen St., Pasay City; Roxas Boulevard EDSA Flyover SB bridge approach (outer lane & inner lane), Pasay City; at South Super Highway East Service Road, Parañaque City.
Gayundin sa EDSA NB Guadalupe bago ang tulay (3rd lane), Makati City; EDSA NB Guadalupe P. Burgos St. malapit sa Jollibee at McDonald’s (4th lane), Makati City; EDSA NB Guadalupe JP Rizal Ext. (2nd lane), Makati City at EDSA NB Guadalupe JP Rizal Ext. malapit sa Stoplight (2nd lane), Makati City.
- Latest
