Krimen sa Mimaropa, bumaba ng 9.30%

CAMP VICENTE LIM, Laguna , Philippines – Bumaba ng 9.30 porsiyento ang mga insidente ng krimen sa Mimaropa region na binubuo ng Mindoro, Marinduque, Romblon, at Palawan ng 9.30 porsiyento sa unang 9 na buwan ng 2026.

Binanggit sa ulat na ang krimen sa rehiyon mula 817 noong 2025 ay malaking ang binaba buhat sa 741 sa taong 2026 na kumakatawan sa 76 na mas kaunting naiulat na mga insidente. Kabilang sa mga pangunahing pagbaba ng krimen ay ang rape, robbery, at theft na may 18.04 porsiyento, 19.05 porsiyento, at 12.64 porsiyento, ayon sa pagkakabanggit sa parehong 9 na buwang panahon.

Nagtala rin ang rehiyon ng 17.8 % na pagbaba sa kabuuang insidente ng krimen noong ikatlong quarter, mula 1,560 noong 2025 hanggang 1,282 noong 2026, habang ang mga nasa Peace and Order Indicator ay bumaba ng 20.2% mula sa 1,001 sa 799.

Ilang malalaking krimen ang naitala mula sa 37.04 porsiyento sa bilang ng motornappings buhat sa 27 na bumaba sa 17, samantalang ang murder ay umabot sa 23.68 porsiyento mula 38-29 sa parehong panahon.

Sa ulat din, nagpakita rin ng mga lugar na nangangailangan ng patuloy na atensyon, na may mga insidente ng homicide na tumaas mula 12 hanggang 13.

Nagbabala naman si Brig. Gen. Christopher Dela Cruz, direktor ng pulisya ng Mimaropa, sa mga tauhan na huwag pakampante sa mas mababang bilang ng krimen at inutusan ang mga kumander na palakasin ang maagap na pagpapatrolya, paigtingin ang police visibility, napapanahong pagtugon, mga hakbang sa pag-iwas sa krimen na may mga pagsusumikap sa pagpapanatili, at pangangasiwa.