PNoy bakasyon muna

MANILA, Philippines - Magsisimula ngayon ang bakasyon ni Pangulong Aquino gaya ng payo sa kanya ni Health Sec. Enrique Ona.

Ayon kay PCOO Sec. Herminio Coloma Jr., bagama’t magbabakasyon ang Pangulo ay nakamonitor pa rin ito sa mga pangyayari sa bansa.

Magbabalik-trabaho ang Pangulo sa Disyembre 30 sa pagdiriwang ng Rizal Day.

Hindi naman binanggit ng Palasyo kung sa The Mansion sa Baguio City magbabakasyon ang Pangulo o sa kanyang tahanan lamang sa Times St., Quezon City o sa Tarlac.

Nakagawian na nagbabakasyon ang Pangulo ng bansa tuwing Kapaskuhan sa The Mansion.