Warriors andam na sa 'three-peat'
CEBU, Philippines — Gideklara ni kanhi Golden State Warriors superstar Stephen Curry nga sila gihapon ang premyadong koponan sa 2018-2019 NBA season nga sugdan ugma.
Miangkon si Curry nga gipangandaman nila ang usa unya ka lisud nga kampanya ilabi na nga mangambisyon sila sa makasaysayanon nga grandslam championship.
Ang Warriors nga gibitoonan nila ni Curry, Klay Thompson, Draymond Green, Finals MVP Kevin Durant ug bag-ong sakop nga si DeMarcus Cousins, laraw nga mahimong labing unang koponan sukad niadtong tuig 2002 nga makadaog og tulo ka sunod-sunod nga NBA titles.
Sa kasaysayan sa NBA, aduna lang tulo ka teams nga nakahimo og three-peat championship ug kini mao ang Los Angeles Lakers (2002), Boston Celtics (1960) ug Minneapolis Lakers (1950).
"No matter if it's a pening night at home or a back-to-back in some random East Coast city, you're going to be tested and you can't just sleepwalk through stuff.We've been exposed at times in terms of when we're not extremely locked in that we can be beat. But when we are focused and in tune with each other, understanding what we're trying to do to be successful, obviously we're tough," matud pa ni Curry sa Agence France Presse.
Ang Warriors nga lima na ka sunod-sunod nga season misud sa finals, mag-atubang og lisud nga hagit sa Western Conference gikan sa Houston Rockets, Oklahoma City Thunder, San Antonio Spurs ug Los Angeles Lakers nga gibidahan na karon ni LeBron James.
Gawas sa West, milig-on usab ang puwersa sa teams sa Eastern Conference sama sa Boston Celtics nga pangulohan nila ni Kyrie Irving, Gordon Hayward ug Jayson Tatum, Toronto Raptors nga mibira ni All-Star Kawhi Leonard atol sa off-season. (BANAT NEWS)
- Latest