_banat
^

Banat Opinyon

EDITORYAL - Kahadlok sa publiko

Ian B. Melecio - Banat
EDITORYAL - Kahadlok sa publiko

Patay diri, patay didto. Mao kini karon ang pirmeng unod sa mga balita sa mga pamantalaan ug radyo matag adlaw.

Nahitabo kini bisan pa sa kadaghan sa mga polis nga gi-deploy sa kadalanan ug bisan sa kabarangayan nunot sa pagpatuman sa health protocols tungod sa pandemiya.

Dinhi sa Cebu City palang karong bulana sa Hulyo moabot na og 15 ka tawo o hapit usa ka tawo kada  adlaw ang nabiktima sa pagpamusil.

Wala pay bisag usa sa maong mga kaso ang dunay napasakaan og kaso batok sa mamumuno o nagpaluyo sa ilang kamatayon.

Gawas sa Cebu City duna say susamang mga krimen nga nanghitabo sa mga silingan niining local government units nga mao ra sab og gidangatan ang mga kaso, napuno lang sa listahan ug istatistiko.

Samtang tuod dunay mga pipila sa biktima nga dunay criminal records o nalambigit sa mga kwestyonableng kalihokan, ang uban tungod sa ilang propesyon nakaligis og mga tawong nahulga kanila.

Bisan pa unta unsay rason, hatagan sab unta sila og patas nga pagtagad sa mga imbestigador sa kapolisan aron nila makab-ot ang katarungan ug hustisya.

Nakapabalaka sa publiko kining mga sagunson nga mga kaso sa pagpamusil nga hangtud karon wala masulbad sa kapolisan ug wala pay mamumuno nga nadakpan ug posibleng pang mopatay na sab sa mosunod nga mga adlaw.

Ang kabalaka sa mga tawo tungod kini sa kaagresibo karon sa mga mamumuno kay wala namay kahadlok ug panagana paghimo og krimen pagkutlo sa kinabuhi sa uban.  Hain naman ang police visibility, ang foot ug beat patrols nga kaniadto makita bisan asa sa dihang gipaubos ang mga dapit sa enhanced community quarantine?

Ang presensya palang sa kapolisan diha sa mga estratehikong mga lugar makatabang na og dako ug naghatag og pagsalig sa katawhan nga maprotektahan sila gikan sa mga dautang elemento ilabi na nga karon daghan na ang nakabalik sa trabaho.

HEALTH PROTOCOLS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with