_banat
^

Likayan ang pangabuso

RENBOR PATROL - Rene U. Borromeo (Banat) - May 18, 2021 - 12:00am

Nakabasa mo sa nangagi nakong lindog nga gidayeg nako pag-ayo ang kadagkoan sa MCWD kay gitandi nako nga arang-arang sila sa mga tinudlo sa kanhi mayor.

Apan karon, sukad kaniadtong Abril 30, wa na gyud sab moagas ang among gripo diri sa Barangay Busay. Bentaha na lang unta bisan og kada kadlawon ra moagas, apan wa na gyud.

Makapaduda man gyud nga dunay mga dapit nga gihatagan og pabor sa MCWD, ilabi na sa nagdumala sa bomba nga anaa mahimutang atubangan sa Marco Polo Plaza Hotel.

Usahay, hatdan mi og usa ka trak nga mosulod og 40 ka baril, apan sa akong bahin makatigum lang ko og kapin sa baril. Unsaon, nga duna may uban nga migamit og pump.

Ang uban sab nabantayan nako nga gipadak-an ang tubo nga gigamit nila gikan sa sub-out sa MCWD, tingali wa sila masayod nga wa kana itugot.

May mireklamo man gud nako nga gagmay na lang kaayo ang ilang masawod kada hatud og tubig sa MCWD, nga sagad ako maoy nag-request sa pagpahatud.

Akong gitambagan ang uban nga nagplano sa pagreklamo nga angay’ng pahibaw-on lang ang maong mga naghimo og abuso, kay pulos ra kita managsilingan.

Gitan-aw nako ang mga linya, ug nasuta nako nga tinuod gyud ang ilang reklamo. Nakakita ko og linya nga migamit na og ¾ inch nga plastic pipe.

Ang gitugot sa residential area mao ra gyud ang ½ inch nga diameter nga pipe. Mao diay kini ang rason nga kon mag-inject og tubig ang truck sa MCWD, gamay ra ang matigum kay suyopon ra man sa mga nagtaod og pump.

Nagsusi sab ko sa MCWD legal section, ug gitug-anan ko nila nga ang pagbutang og direkta nga pump nga ikonektar sa tubo gikan sa MCWD lines, maisip nga ilegal.

Wa did-i ang katawhan pagbutang og pump, apan kinahanglan nga sawron usa nila ang tubig sa sudlanan, sama sa baril, usa nila ipasuyop paingon sa tangke ba nga anaa sa ibabaw.

Unta, nasabtan kini sa hingtungdan. Gusto ko nga magkasinabtanay mao nga gitambagan nako kadtong gusto nga moreklamo nga dili lang usa kini niya himoon.

* * *

Sa samang higayon, awhagon nako ang kadagkoan sa MCWD nga gidumala ni Atty. Joey Daluz III nga mangita gyud unta sila og sulbad sa problema.

Kini aron dili makaingon ang katawhan nga mao ra gihapon sila sa kanhi MCWD Board nga gihulagway nga wa gyuy maayong serbisyo.

Diha unta to’y maayong chairman ang MCWD, gipailisan man sa kanhi mayor sa Insik niyang amigo nga wa gyuy maayong serbisyo.

MCWD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with