Presyo sa lana mohunas motaob
LABTIK - Alan Domingo (Banat) - November 14, 2018 - 12:00am

Human sa sunod-sunod nga pagburot sa presyo sa lana sa niaging buwan, nibanos na usab ang sunodsunod nga pagubos sa presyo karon nga murag nabalik na gani sa level niadtong buwan sa Pebrero.

Unsa may mahitabo sa gipangayong umento sa minimum nga pletihan sa transport sector?

Una nang mirekomendar ang rehiyonal nga buhatan sa Land Transportation Franchising and Regulatory Board LTFRB ngadto sa ilang ulohang buhatan sa gipangayo sa Basak Lapu-Lapu Jeepney Operators and Drivers Association.

Moabot P9 ang gipangayo nilang minimum fare sa katarungan nga hilabihan na ka dako ang umento sa presyo sa petroleum products, apan wala mobutyag ang LTFRB kon pila ang ilang girekomendar sanglit ang national office man ang magbuot niini.

Makasabot man kita sa sentimiyento sa transport groups kay tungod kay daghan man usab nga factor ang gikihanglan nga i consider sa ilang gipangayo nga umento sa pletihan.

Dili lang ang presyo sa lana kon dili ang presyo usab sa mga spare parts ug maintenance ugaling maguba ang ilang sakyanan.

Gawas pa, aduna usab silay pamilya nga gibuhi, gipaeskwela, ug uban pang galastohan nga misaka na usab ang tanan.

Apan sa side usab sa riding public, ang sweldo ra pud ang ilang gisaligan nga gamay ra kuno, wala pa gyuy umento maong mahinungdanon kaayo alang kanila ang matag sinselyo sa ilang bulsa.

Kasamtangan nga anaa sa P6.50 ang minimum fare, nagpasabot nga 2.50 ang madugang sa pletihan kon aprobahan na sa LTFRB.

Bug-at na kaayo kini alang sa mga sumasakay, apan wala gikinahanglan usab nga mosabot sa mga drivers nga dugay nang nagtinguha nga madugangan ang ilang kita.

Gawas pa, wala man say kasegurohan kon magpabilin nga ubos ang presyo sa lana kay basin sa sunod semana mokalit ra usab kini ug saka sama sa balod sa dagat mohunas ug motaob.

MOTAOB
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with