^

Banat Opinyon

Epekto sa kasilag

HIMSOG NGA KARAYURAN - Pons M. Abatayo - Banat

Aduna ko'y higala'ng magsuo'ng babaye, nga sa 6 nilang managsuon, silang duha ang sikit sa kasuod. Maglinabanay ang duha kun may usa nila'ng gikabikil.

Ambot sa unsa'ng hitaboa, dihang namatay ang biyuda' inahan, medyo may paglubad na ang ilang panagsuod. Naguba ang ilang maayong relasyon. Imbis nagluon sila sa usa ka panimalay nga malipayon, nagkatibulaag na, kay dili na magkasinabtanay.  Ang lai'ng kaubang mga igsuon, nanglalin na's  lai'ng lugar.

Mao na la'y nag-ipon kini'ng duha, nga kaniadto magpinarayganay apan karon permi na mag-away nga kun magkalisud magbinugnoay pa, kaylagi nag-inilogay sa kabilin nga bukog. Kay gusto sa usa nga siya na la'y mopuyo sa balay. Tingali mao na ni ang ugat sa ilang kasamok, nga permi mag-abot sa husay.

Naguol ang maguwang kay nagbaton ang manghod og kasilag kaniya. Daku na'g nagasto ang manghod sa mga kiha nga gisang-at sa korte. Nako ba'g nahilum na's kadugay, apan naunsa ba'y may nangabot ma'ng subpoena ug 'warrant of arrest', tingali nataligam-an kay hapit na-'expire' o gilangan lang.

Nagbaga pa diay ang kasilag nga wa mapuypoy sa mga tambag. Naluoy ang maguwang, kay sukad ni'ng hitaboa nagkahigos ang panlawas sa manghod. Misamot nga magtamiiray na lang magkahinagbo. Ingon sa mortal nga kaaway nga  dili gayud palupig sa iyang kagustohan, nga siya gyu'y masunod.

Ang kasilag sa manghod, halos mapaso ang kaugalingon nga ang pagdumot nisangko sa kaluyahon. Kay nasugnuran sa mga negatibo'ng panghunahuna, nga naugtas sa gihambin nga hilabihang kapungot. Ang iyang utok nagpabili'ng naghigwaos sa way pahuway nga kanunay gihamok sa kalibog.

Ang epekto sa kasilag, inanay nisangpot nga mag-inuliay apan ang lawas nalaygay sa mabug-at nga balatian, wala nay panahon kay giabot sa kamatayon.

ADUNA

AMBOT

ANG

DAKU

IMBIS

INGON

KAY

MAGLINABANAY

MISAMOT

NAGBAGA

NGA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with