^

Banat Opinyon

Bad image sa gobiyerno

IYO ANTOY - Antolin dela Cerna - Banat

Nagkaatol mig pang-grocery sa Robinsons Mall, sa usa ka batan-ong Singaporean nga maayong mo-Iningles...diha siya sa Senior Citizens lane maglinya. Wa’a siya badlonga, tungod kay daghan kaayo ang iyang kompra...matud niya, alang sa mga biktima ni Yolanda...sa Tacloban City.

Ako siyang gipangutana kun idiretso ba nila’g panghatag ang ilang tabang ngadto sa mga biktima sa bagyo. Mitando siya...ug i-coordinate sa usa ka NGO (wa’a ko kaklaro sa ngan sa NGO), ug mipahiyom siya pag-ingon nga dili ipaagi sa gobiyerno.

Nangatawa ming duha. Of course, ako siyang gipasabot nga dili dautan ang tibuok gobiyerno sa Pilipinas, kun dili, kining pagmagic-magic sa mga relief goods gikan sa gawas, binuhatan kini sa gamiting pudyot nga nagtrabaho sa gobiyerno. Miuyon siya. Apan, nakahatag kini’g dautang image sa tibuok Pilipinas. In fact, it seems nga nabaniog na kini sa tibuok kalibutan.

Mora’g alang nila, gipadayon ang corruption, ang pork barrel ug ubang matang sa scam gikan sa Kongreso ug ubang ahensiya sa gobiyerno ngadto sa mga dapit nga nagusbat sa bangis nga bagyo.

Sa ato nang nahisgutan dinhi pipila sa mga relief goods, nakit-an ug gipamaligya sa mga dagkung tindahan sa kaulohan. Unya, daghan kaayong mga estorya nga ang mga relief goods gikan sa gawas, gipangilisdan og lokal nga mga produkto.

Lately, sa duha ka lungsod sa Samar ug Leyte, mga 80 ka sakong bugas ang nangadaut, nabaho, na-spoiled...bisan ang baboy dili na mokaon...ila na lang gilubong. Ngano man ni?

Maayo man gani nga nagpadayon pa ang mga hinabang gikan sa gawas. Usa kini sa maayong tan-awon ni Secretary Ping Lacson. Kinahanglan transparent ug adunay klaro nga accounting kun diin paingon ang mga hinabang ug unsay gigastohan sa kuwarta nga nadawat.

Ug labaw sa tanan, maayo tingali nga ma-pinpointed ang mga nanghilabot, ang mga nang-loot, ang mga nangawat sa mga relief goods...kay mauwaw ta ini uy!

Di man tingali ni sila motuo og gaba...karma. Di ra ba ni instant nga mahitabo kanato. Dili magsaba, matud pa ug dili dihadiha dayon.

Diha’y akong nabasahan nga kuno bisan unsa ka gamay sa dautan nga imong mahimo, aduna kini corresponding ug tugbang nga silot. Ingon man, bisan unsa ka gamay sa kaayo nga imong mahimo, duna usab kini corresponding nga reward.

Ingon niini ka just ug pagkamakiangayon ang Ginoo. Mahimo nga dili kita silotan o gantihan sa katilingban (usahay ra ba, ang society mopasidungog sa mga dautan, basta daghan la’g kuwarta)...apan, sa mga mata sa Ginoo, dili kita makaikyas...kana, kun motuo ka’g Ginoo.

Maghisgot ta’g rehabilitation o pagpahiuli sa mga dapit nga gikusokuso ni Yolanda, dako ug bug-at ang tahas ni Lacson. Dili kini madali gumikan sa grabing kadaut ug kalapad sa dapit nga naapiktahan sa nagsunodsunod nga katalagman nga mihugpa sa atong nasud.

Hinuon, resilient as we are, makabangon ra ta. Among others, ipadaplin lang una nato ang politika. Mag-usa lang una ta. Di ta magpasanginlanay, di ta mag-away, kun dili, magtinabangay ta. Mao kini ang gikinahanglan karong panahona.

Ug kun mahimo, hunongon nato ang pagpanghilabot sa mga foreign relief goods.

DILI

GINOO

INGON

KINI

PILIPINAS

ROBINSONS MALL

SECRETARY PING LACSON

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with