Cebu NBT mobalik sa operasyon

CEBU, Philippines — Hingpit na gibuksan ang Cebu North Bus Terminal sa bag-ong temporaryong lokasyon niini sulod sa compound sa usa ka dako nga mall sa barangay Mabolo sa syudad sa Sugbo.

Gipangulohan ni Cebu Governor Gwendolyn Garcia ang soft-openning sa CNBT kagahapong adlawa, nga naatol sa iyang adlawng natawhan didto sa 4, 500 metro kwadrado nga parking area sa SM City Cebu luyo sa usa ka hotel sa may dalan Juan Luna Avenue.

Ang SM Prime Holdings nipagamit og libre sa maong paradahan ngadto sa Probinsya sa Sugbo aron himoon kini nga temrinal sa mga bus nga mobyahe didto sa Norte. Adunay Usufruct Agreement ang Probinsya sa Sugbo ug ang SM Prime Holdings Inc. kalabot niini kon diin ang termino sa maong kasabotan molungtad og duha ka tuig.  Dili ma extend ang maong kontrata gawas lang kun ang parehong habig adunay pormal nga kasabotan pag-renew niini. Ang Probinsya sa Sugbo isip “usufructory” maoy momentinar ug mopreserbar sa lugar. Ang paggamit sa maong area ma subject kini sa kasamtangang rules ug regulation sa SM Prime Holdings nga maoy tagiya sa luna kalabot sa maintenance sa traffic flow,  security ug uban pa.

Kun dunay pang-usbon ang Kapitolyo, kinahanglang may pagtugot sa SM.

Apil sa mga nitambong sa kalihokan kagahapon mao sila si Mayor Edgar Labella, Mandaue City Mayor Jonas Cortes, mga konsehal sa parehong dakbayan, mga provincial board members ug ingon man sila LTO-7 direktor Victor Caindec ug LTFRB-7 director Eduardo Montealto Jr.

Si Carmen Quijano kinsa maoy manager sa Cebu South Bus Terminal (CSBT) maoy usab gitahasan sa gobernador pagdumala sa terminal.     

Matod niya makigtagbo siya sa mga bus operators ug uban pang stakeholder aron mahan-ay ang sistema.

Magsugod na ang biyahe sa CNBT karong Oktubre 15, 2020. /IBM (BANATNEWS)