Casas ug Villa dunay miscommunication – Labella

Alicia Ivy L. Chua (Banat) - May 10, 2020 - 12:00am

CEBU, Philippines — Ang hepe sa Cebu City Health Office Dr. Daisy Villa nihimakak sa gibutyag ni Cebu City Administrator Floro Casas, Jr. kabahin sa pagbuhi o pagpagawas sa sobra 50 ka asymptomatic nga pasyente sa covid-19 sa Barangay Luz.

Gikatahong si Casas sa facebook post niini nibutyag nga base sa ilang record ang 68 ka asymptomatic nga pasyente sa covid-19 nakompleto na ang ilang 14 ka adlaw nga quarantine kaniadtong Mayo 4, 2020.  Human sa 14 ka adlaw ang City Health Department (CHD) mopahigayon og retest ug buhian dayon ang mga pasyente nga asymptomatic kinsa magnegatibo sa covid-19.

Si Casas nangangkong personal siya nga gipahibalo ni Villa niadtong Mayo 6, 2020 nga gisugdan na nila ang pag-retesting sa mga pasyente sa Barangay Luz. “It was my expectation that Dr. Villa strictly followed procedure and religiously performed her duties by testing without delay the patients in the isolation center as early as May 4, 2020 and that on May 7, 2020 asymptomatic patients with negative results will be released from Barrio Luz BIC. This was the basis of my statement before the Cebu City Council”, tipik sa FB post ni Casas.  Si Villa sa iyang bahin, nibutyag nga nagkaestorya sila ni Casas diha sa telepono niadtong Mayo 7, 2017 ug nihangyo kini kaniya nga tabangan siya kabahin sa impormasyon nga iyang nasulti ngadto sa konseho.

“When I called Dr. Villa early morning of May 7, 2020 to follow up, I was both shocked and disappointed when she informed me that no patients will be discharged that day because she still has to conduct the retest in Barrio Luz BIC”, matud ni Casas. Si Mayor Edgardo Labella sa Dakbayan sa Sugbo niklaro nga na-address na ang maong isyu.

Dugang ni Labella nga adunay nahitabong miscommunication tali ni Casas ug Villa. – Mary Ruth R. Malinao ug Rowen D. Capistrano/BDB

Casas: Tomas walay kamatuoran sa iyang pasangil

Si Cebu City Administrator Floro Casas Jr. nagkanayon nga walay kamatuoran si kanhi mayor Tomas Osmeña sa pasangil niining korupsiyon sa administrasyon karon.

Si Osmeña una nang nipasangil sa administrasyon ni Mayor Edgardo Labella nga nipalit og “overpriced” nga sardinas sa P22 matag usa ka lata nga unta mahimo man kining mapalit sa kantidad nga P13.50.

Sayo pa, si Casas nipakita og kopya sa purchase order nga giisyu panahon sa termino ni Osmeña.

Ang maong purchase order adunay petsa nga Oktubre 29, 2018 diin nakabutang niini nga ang presyo sa mga sardinas nga gipalit gikan sa usa ka supplier P27 ang matag usa ka lata.

“If the former mayor Tomas Osmeña mo-accuse siya namo nga corrupt mi kay P22 ang amoang sardinas karon, mas samot siyang corrupt kay P27 ang iyahang sardinas. He’s asking us to explain. Unsaon man niya pag-explain ang iyahang P27?”, pangutana ni Casas.

Si Casas nangangkon nga ang maong presyo maoy labing ubos nga presyo nga ilang nakuha base sa pagpahigayon nila og canvassing. – Mary Ruth R. Malinao/BDB

Vendors sa merkado midonar sa apektadong barangay

Ang mga namaligya sa merkado sa Dakbayan sa Sugbo mihatag pipila ka mga produkto sa mga lugar nga gipaubos sa lockdown tungod sa COVID-19.

Si Jonil Matuguina, city market administrator nag-ingon nga si Cebu City Mayor Edgardo Labella usa sa nangusog paghangyo sa mga vendors sa kamerkadohan gikan Carbon, Taboan ug Pasil alang sa pagdonar og pagkaon para sa mga apektadong barangay.

Nagpasalamat hinuon si Matuguina nga daghan ang niboluntaryo pagtubag sa panawagan sa mayor. “So niadto ko sa mga vendors og basin naa sila’y ma spare and lipay man sab sila makatabang,” matud ni Matuguina. Ang mga utanon gikan sa Carbon, buwad sa Taboan ug isda sab ang gikan sa Pasil. Sumala pa ni Matuguina nga daghan sa mga vendors ang dugay nang gustong mohatag og donasyon gikan sa ilang mga baligya. Apan wala lang sila masayod kun kinsay duolon o asa, apan pinaagi niini nga inisyatiba napasayon na kini.

Ang mga barangay nga nahatdan na og mga lab-as nga utanon ug uban pang pagkaon mao ang Sitio Zapatera, Barangay Luz;  Sitio Callejon, Labangon ug bag-o lang sa barangay Mambaling. /IBM (BANATNEWS)

VILLA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with