_banat
^

Banat Balita

Agricultural center sa Balamban giatake sa army worm

Le Phyllis F. Antojado - Banat

CEBU, Philippines – Giatake sa mga army worm ang usa ka agricultural learning center sa Barangay Cantuod, Lungsod sa Balamban nga nakadaot sa mga pananom sa maong lugar.

Sa facebook page sa Department of Agriculture (DA)-7 gikompirma ni Wilberto Castillo, hepe sa Integrated Laboratory Division (ILD) ug crop protection specialist sa DA-7 ang pagpangatake sa mga army worm sa pananom sa maong center.

“A true army worm are actually caterpillars (larvae) that travel in multitudes and destroys any kind of vegetation including grasses and grains”, matud sa DA.

Kasagaran nga giatake ang TESDA accredited learning site, mga kamote ug ubang root crops ug sunflower.

Si Marya Zea Villaganas, agriculturist sa Provincial Agriculture’s Office nagkanayon nga ang army worm usa sa mga klase sa peste nga modaot sa mga tanom hilabina kon magdaghan.

“Kung maka-experience og long dry period ang ilang egg dili mo-hatch so by the time nga makatilaw na sila og naa nay pagkaon that’s the time nga i-hatch na nila ilang egg, and they march in bands, dinaghan gyud sila kaayo, anything green nga ilang maagian hutdon gyud na nila og kaon”, matud ni Villaganas.

Si Villaganas nagkanayon nga wala sila makadawat og report kabahin sa maong insidente gikan sa learning site sa Balamban apan ilaha kining i-assess.

Sa facebook page sa DA, si Castillo nagkanayon nga kon dili mapugngan ang pagkatap sa maong peste padayon kining mokatap pa ug modaot og lain pang mga pananom.

Matud usab ni Castillo nga ang matag babaye nga army worm mangitlog kini og 50-300 ka itlog sa whole cycle niini.

Ang DA niawhag sa mga mag-uuma nga i-monitor ang ilang mga umahan ug kon ugaling adunay outbreak girekomendar ang pag-spray og insecticide. (/BDB)(BANAT NEWS)

AGRICULTURAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with