Pagpangita sa missing magpadayon
May Miasco (Banat) - September 29, 2018 - 12:00am

CEBU, Philippines —  Paninguhaon sa mga rescuers nga maugkat karong Domingo ang nahibiling 20 ka mga tawo nga natabunan sa nidahili nga yuta sa Tinaan sa Dakbayan sa Naga sumala pa sa Provincial Disaster Risk Reduction Management Office.

 

Si Baltazar Tribunalo, pangulo sa PDRRMO ug maoy ground commander sa gihimong search and retrieval operations miingon nga gitinguha nilang mahuman og ugkat ang tanang natabonan karong adlawa hangtud ugma. Wala usab siya moingon kon kanus-a sila mohunong niini.

Kagahapong adlawa, naputol ang pagkubkob sa lugar tungod sa kalit nga pagbunok sa uwan kay peligro sa mga rescuers.

Ang representante sa Apo Land and Quarry Corporation (ALQC) nga si Chito Maniago mibutyag nga nakaduso na sila og hazard removal plan ngadto sa nasudnong pangagamhanan subay sa mando ni Environment Secretary Roy Cimatu. Malaumon siya nga paigo na kadto ug aron masugdan dayon ang paghawan ug pagkuha sa mga nahibiling peligro sama sa mga dagkong bato ug mga yuta nga posibleng moirog kon mouwan ug mabutang na usab sa kakuyaw ang mga tawo sa palibot. Matud pa niya, prayoridad kini karon ug ang Mines and Geosciences Bureau maoy nangulo sa pagsiguro nga matangtang kining mga peligro..Sa pikas bahin ang Department of Health -7 nagpadayon sa ilang medical services, stress debriefing ug info-drive alang sa kalimpyo sa mga evacuation centers ug gi-monitor ang mga sakit nga sagad motumaw sa evacuation areas.

Aduna karoy 1,733 ka pamilya nga gihiklin sa mga evacuation centers nga namuyo usa ka kilometro palibot sa midahili nga yuta. Base sa Sitio Sindulan based Incident Command Post, miabot na og 69 ang namatay, 18 ang naangol ug 20 pa ang missing. - Rowena D. Capistrano, IBM (BANATNEWS)

 

PROVINCIAL DISASTER RISK REDUCTION MANAGEMENT OFFICE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with