Pre-construction sa P4 bilyon CCLEX-CSR Interchange Project gisugdan na

CEBU, Philippines — Gisugdan na ang pre-construction alang sa P4-bilion nga Cebu Cordova Link-Expressway-Cebu South Coastal Road (CCLEX-CSR) Interchange Project, diin nagpakita kini sa strategic shift  sa kagamhanan sa Dakbayan sa Sugbo ug sa private partner aron mapaloag ang grabeng kahuot sa dagan sa trapiko diha sa South Road Properties (SRP) nga dili kinahanglan nga papahawaon ang gatusan ka mga pamilya nga nagpuyo sa kabaybayonan.  Adunay unom ka marine drilling rigs nga kasamtangang gipahimutang sa kadagatan aron magpahigayon og geotechnical site investigations partikular na ang marine borehole drilling ug core sampling nga usa ka pasiunang kalihokan alang sa pag-andam sa Detailed Engineering Design (DED) sa proyekto. Si Cebu City Mayor Nestor Archival kauban sa presidente sa Cebu-Cordova Link Expressway Corp ug General Manager Allan Alfon nisusi sa ulahing kalamboan diin nakita ang interchange isip usa ka dinalian nga lakang aron masulbad ang inadlaw nga paghuot sa trapiko alang sa mga motorista nga nagbiyahe tali sa mainland Cebu ug sa Isla sa Mactan.

Ubos sa kasamtangang kahimtang, ang mga drayber gikan sa Cebu City proper paingon sa Mactan-Cebu International Airport nga moagi sa CCLEX ang mapugos sap ag-agi sa taas nga detour nga gibana-banang magbiyahe sulod sa 17 ka kilometros sa habagatan pinaagi sa naghuot nga SRP paingon sa boundary sa Talisay una maka-U-turn aron makasaka sa expressway viaduct.

Apan sa higayon nga mahuman na ang bag-ong interchange, ang mga motorista makaderetso na gikan sa viaduct paingon sa mga bag-ong rampa ug deretso na sa Cordova ug sa airport nga makalikay na sa hingpit sa huot nga trapiko sa SRP. 

Ang desisyon nga unahon ang offshore interchange naggikan sa praktikal nga pag-adjust sa orihinal nga plano alang sa pagpalapad sa original expansion blueprint sa expressway.  Sa sinugdan, nagplano ang CCLEC nga magtukod og mga direktang rampa nga magkonektar sa expressway ngadto sa Barangay Pasil ug sa baba sa Suba sa Guadalupe duol sa V. Rama Avenue. Apan nasuta sa technical assessment nga ang dinaliang pagpadayon sa Pasil ramp magdala og dagkong mga babag kalabot sa right-of-way.

Gipadayag ni Arfon nga sa ulahing survey dul-an sa 600 ka informal settlers nga pamilya ang namuyo diha sa gisugyot nga Pasil alignment.

Ang pagbalhin kanila dili lang makapalangan sa construction sulod sa daghang katuigan apan magmugna usab kini og lisod nga problema sa panginabuhian alang sa siyudad. Gikan sa The Freeman, BDB BANAT NEWS