Nakuryentihan patay

CEBU, Philippines - Nakuryentihan patay ang usa ka lalaki samtang kini namutol sa  mga dahon sa lubi diha sa Brgy. Cambang-ug sa Dakbayan sa Toledo. Giila ang namatay mao si Marchie Laspona, 33. Sa imbestigasyon sa kapulisan sa Toledo nga giingong gisugo ang biktima sa pagputol sa punoan sa lubi, apan una pa niya putlon ang punoan kinahanglang upawan una niya kini sa palwa didto sa ibabaw. Apan ang usa ka palwa nga gikuptan sa biktima ang nidapat sa nagkutay nga kuryente ug nakuryentihan kini. Niabot ang mga sakop sa Cebu Electric Cooperative CEBECO III ug nisuway pagluwas sa biktima apan patay na kini. (BANAT NEWS)