Wanted napusilan patay
Jojo C. Ugdol/EIM (Banat) - January 31, 2016 - 9:00am

CEBU, Philippines - Patay na nga nadangat sa tambalanan ang usa ka lalaki nga adunay duha ka kasong giatubang human kini sulay nga misukol sa kapulisan sa Oslob dihang dakpon unta kini diha sa Brgy. Nueva Caceres pasado alas 8 sa nakalabay nga buntag.

Ang napusilan patay mao si Ryan Jimenez, lumad nga taga Lungsod sa Sibonga ug nagtagotago sa bukirang bahin sa lungsod sa Oslob.

Matud pa ni Police Officer 3 Johnny Tapales usa sa mga nakauban sa hitabo nga nahinabi sa Banat News nga human sa pipila ka tuig nga pagtagotago nakadawat og impormasyon ang kapulisan sa Oslob nga nasigpatan kini sa maong barangay.

Sumala pa ni Tapales nga duha ka warrant of arrest ang ilang nakuha gikan sa Sibonga Police batok ni Jimenez nga naglakip sa kasong murder ug kasong paghupot og ilegal nga armas.

Base sa impormasyong nakuha ni Tapales, napatay ni Jimenez didto sa lungsod sa Sibonga ang iyang uganganon hangtod nga misibat kini sa maong lungsod.

Usa ka habal-habal drayber ang nakahatag og impormasyon kabahin sa suspetsado sa dihang kini nakita nga naghatod og kahoy para sugnod sa barangay Nueva Caceres nga naggikan pa sa bukid.

Daling gisusi sa kapulisan sakay sa tulo ka mga motorsiklo nga gipangulohan ni PO3 Nerio Gonzales ang lugar apan pagkakita sa suspek kanila, gikatahong niibot kini og armas ug nipusil sa mga polis.

Si Tapales miingon nga nakapasalipod sila si PO3 Gonzales ug nibawos pagpusil kang Jimenez nga naigo sa ulo.

Sulay pa unta nga gidala sa kapulisan ang suspetsado sa Oslob District Hospital apan patay na kini nga nadangat sa tambalanan. (BANAT NEWS)

ANG BANAT NEWS JIMENEZ JOHNNY TAPALES KINI NERIO GONZALES NGA NUEVA CACERES OSLOB OSLOB DISTRICT HOSPITAL POLICE OFFICER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with