^

Banat Balita

Cabrera, Zafra nagtinubagay sa basura

Banat

CEBU, Philippines – Gihagit sa pangulo sa Association of Barangay Councils sa dakbayan sa Sugbo, Kapitan Philip Zafra, si Konsehal Nida Cabrera nga mouban ug mobisita sa mga barangay.

Kini human gipasanginlan ni Cabrera nga wala gyud gi-implementar sa barangay ang balaud sa sakto nga paglimpyo ug paglabay sa basura pinasikad sa Republic Act 9003 kon Ecological Solid Waste Management Act of 2000.

Matud ni Zafra nga ipakita niya kang Cabrera ang kalisud sa kahimtang sa mga barangay ilabi na sa mga dagku’ng barangay nga adunay mga dapit nga dili na masulod sa garbage truck.

Alang kang Zafra kinahanglanon ang dugang pag-edukar sa katawhan dili lang kay basta-basta nga pagpangolekta sa basura.

Ang pasangil ni Cabrera nga wala gi-istriko ang pag-implementar sa balaud sa mga barangay gihulagway ni Zafra nga dili makiangayon ngadto sa mga opisyal sa barangay.

Giklaro ni Zafra nga gi-implementar sa kabarangayan ang balaud apan lugak tungod kay kung istriktuhon, ang barangay gihapon ang alaot tungod kay mabaho ang basura.

Dili usab makaya sa mga Barangay Environmental Officer ang pagsuhid sa tibuok barangay.

Gihangyo ni Zafra si Cabrera nga magtinabangay ang tagsa-tagsa ug dili kay lalison ang problema sa basura.  (BANAT NEWS)

 

ANG

ASSOCIATION OF BARANGAY COUNCILS

BARANGAY

BARANGAY ENVIRONMENTAL OFFICER

CABRERA

ECOLOGICAL SOLID WASTE MANAGEMENT ACT

KAPITAN PHILIP ZAFRA

KONSEHAL NIDA CABRERA

MGA

NGA

ZAFRA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with