^

Rama dili molaban ni Cañada

Rene U. Borromeo (Banat) - February 8, 2014 - 12:00am

CEBU, Philippines - Dili molaban si Mayor Michael Rama sa kaalyado niya nga kanhi kapitan sa Barangay Day-as nga gikiha kay padayong migamit-gamit sa sakyanan sa kagamhanan bisan wala na siya sa katungdanan.

Matud sa mayor nga gusto niya nga ipatigbabaw gayud ang balaud kay dili tukma ang gihimo ni kanhi barangay kapitan Rey Ellery Cañada kay dili na man siya maoy giisyuhan sa Toyota Hi-Lux.  Base sa record sa City Hall, ang mao nga sakyanan giisyu na kini ngadto ni Konsehal Marilyn Bernal, ang numero uno nga konsehal sa Day-as nga alyado ni Cañada dihang kapitan pa kini kaniadto.

Matud ni Engr. Dionesio Gualiza nga maoy hepe sa General Service Office (GSO) nga si Bernal miadto sa iyang opisina ug miingon nga siya na ang migamit sa mao nga sakyanan.

Apan matud ni Gualiza nga bisan ang iyang sakop nakakita nga si Cañada mao gihapon ang nagdala-dala sa sakyanan bisan dili na siya kapitan.

Si Mayor Rama miingon nga dili maayo nga si Cañada magsilbi nga drayber ni Konsehal Bernal gawas lang kun dawaton siya sa barangay Day-as nga drayber.

Si Cañada ug Bernal gipasakaan og kaso didto sa Ombudsman tungod kay si Cañada migamit-gamit sa sakyanan nga ordinaryo na karon siya nga sibilyan samtang si Bernal nga giisyuhan sa sakyanan matud pa mitugot ra usab sa mao nga kahiwian. (BANAT NEWS) 

BARANGAY DAY BERNAL CITY HALL DIONESIO GUALIZA GENERAL SERVICE OFFICE KONSEHAL BERNAL KONSEHAL MARILYN BERNAL MATUD
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with