Petisyon alang sa usbaw sa tuition gitun-an sa CHED

CEBU, Philippines -  Gipaniguro sa Commission on Higher Education (CHED) nga dili nila aprobahan ang mga petition nga nangayo  og  usbaw nga  bayranan  sa tuition fee sa  mga  tulunghaan nga dili mo-agi og konsultasyon sa mga  negosyente  ug  estudyante

Matud pa ni CHED Executive Director Atty. Julito Vitriolo nga sa Abril nila hikaya ang tanang mga aplikasyon ug ipagawas nila ang resulta sa ilang desisyon sa Mayo.

Ang nag-unang gikinahanglan niini  mao  ang sertipikasyon gikan sa mga tinun-an aron pagsiguro nga  may  tinuod nga  gipahigayong  konsultasyon sa sugyot  nga pagpa-usbaw sa balayronon sa tuition fee  sa usa ka tunghaan.

Ipa-agi pa sa makuting pagtuon ang matag aplikasyon ug ang mga unibersidad lamang ang tugotan sa nga makapangayo og umento. 

 Sa 1,800 ka Higher Education Institutions (HEIs) sa tibuok nasud, 451 ang mipasaka og petition alang sa usbaw sa tuition fee ug ubang bayronon ning umaabot nga  tuig  tingtungha. (BANAT NEWS)