Mga vendor sa Lapu-Lapu i-swab test
Cebu, Philippines — Ang mga vendor diha sa merkado publiko sa Dakbayan sa Lapu-Lapu gikatakdang ipaubos sa swab test human sa mga drayber sa traysikol ug sakyanang pasaheroan sa siyudad.
Kini ang gipahibalo ni Mayor Junard Ahong Chan sa iyang pagbisita sa kataposang adlaw sa PCR testing sa mga tricycle driver sa niaging adlaw diha sa Hoopsdome sa siyudad.
Ang mga drayber nga nakapaubos sa swab test isyuhan kini og special permit ug ID samtang kadtong nagdumili sa pagpa-swab test isyuhan og citation ticket.
Samtang ang mga drayber sa sakyanan nga pasaheroan nga nakapaubos sa swab test ang gihatag kini og vitamin C.
Gikatahong kapin sa 4,000 ka drayber sa siyudad ang nakapaubos sa swab test.
Si Grace Carungay, city epidemiological surveillance unit officer sa siyudad nagkanayon nga sa maong gidaghanon sa mga drayber duha kanila ang positive ug gipahiluna na karon diha sa isolation facility.
- Latest
