Lapu-Lapu nangandam sa kapistahan

CEBU, Philippines —Ang Dakbayan sa Lapu-Lapu nangandam na usab kini sa kapistahan sa ilang patrona Birhen sa Regla nga saulogon matag Nobiyembre 20 ug 21 sa tuig.

Gikatakda karong Biyernes,  Oktubre  25, 2019  ang “kick off  nite”  sa mga  kalihokan kalambigitan sa pista.

Nunot  sa paglusad sa matag adlaw  o gabii  nga mga kalihokan  masaksihan ang   mga kulturanhong  kalingawan lakip niini ang pasundayag sa  sayaw,  kanta ug uban pa.

Naglakip  sa   mga gihan-ay   nga   kalihukan ang pasundayag sa Association  of Barangay  Council (ABC)  nga  pangulohan  sa ilang federation president Eddie Cuizon.

Ang mga opisyal sa 19 ka barangay sa mainland ug 11 ka barangay sa Isla sa Olango ang moapil usab sa mga kalihukan.

Lakip sa kalihukan mao ang teachers nite,  Sanguniang  Kabataan   (SK)  sa    dakbayan ug senior citizens nite  nga pagaapilan   usab  sa  mga tinun-an sa kabarangayan  ug  uban  pa.

Ipahigayon usab subay sa kasaulogan sa pista sa siyudad and Miss Lapu-Lapu 2019. BDB (BANAT NEWS)