Libreng eskwela sa highest honors

CEBU, Philippines — Pipila sa mga tinun-an sa high school nga highest honors ang mahatagan og kahigayonan nga maka-eskwela nga libre sa state universities sa Sugbo.

Ang Kapitolyo nigama og memorandum of agreement (MOA) tali sa Cebu Normal University (CNU) ug Cebu Technological University (CTU) nga parehong government institution.

Sa maong kasabotan, ang Probinsiya sa Sugbo maoy mohatag sa polisiya ug guidelines alang sa maong programa ug maoy mopili sa mga tinu-an.

Ang mga tinun-an nga mo-apply sa scholarship ipaubos kini sa screening sa Kapitolyo.

Ang Kapitolyo maoy mo-endorso sa mga kwalipikado nga tinun-an ngadto sa CTU ug CNU diin libre na ang tuition ug miscellaneous fees sa kurso.  (/BDB)(BANATNEWS)