Romualdez gidakop na
CEBU, Philippines — Gidakop na sa mga otoridad si kanhi House speaker Martin Romualdez nga na-confine sa Cardinal Santos Medical Center kagahapon, Septiyembre 7 gumikan sa dili stable nga blood pressure.
Si Interior Secretary Jonvic Remulla nikompirmar nga na served na ang warrant of arrest batok kang Romualdez.
Suma pa ni Remulla nga ilang susihon matag adlaw ang kahimtang ni Romualdez hangtud nga angayan na kini nga ipresentar sa korte.
"In the meantime, mayroon kaming armed guards, armed police outside his door and... he is now considered a person deprived of liberty," suma pa ni Remulla.
Nasayran si Romualdez gidala sa ospital kagahapon sa hapon human nasang-at ang P7.44-billion plunder case batok kaniya ug sa laing tulo nonot sa giingong kalambigitan niini sa flood-control corruption scandal.
Lakip sa gipasakaan og kaso mao si kanhi Ako Bicol party-list Rep. Zaldy Co, private individual Joselyn Traguia Serenio ug Samchan Foreign Exchange Corp. president Felicito Cristobal Guevarra isip mga co-accused ni Romualdez.
Suma pa ni Remulla nga base sa gisulti sa anak ni Romualdez nga nakasinate ang iyang amahan og anxiety attack, hinungdan nga gidala sa ospital. Ang pagsang-at sa kaso nahitabo human makagawas sa bilangguan si kanhi Public Works Secretary Manuel Bonoan human siya gitangtang sa Sandiganbayano isip akusado sa lain nga kasong plunder ug graft case.
Suma sa Ombudsman tinguha niini nga motestigo si Bonoan isip state witness sa laing flood-control cases, lakip na sa kaso diin nalambigit si Romualdez.
Si Bonoan gibuhian gikan sa PNP General Hospital niadtong Septiyembre 4 human ang Sandiganbayan Fifth Division nitangtang kaniya gikan sa plunder and graft cases nga naglambigit sa giingong P573 million nga flood-control kickbacks.
Gitangtang sa Ombudsman si Bonoan sa kaso human mouyon nga motabang sa mga prosecutors ug mobarog isip state witness. Si Bonoan nag-atubang gihapon og lain nga kasong graft sa lahi nga Sandiganbayan division.Gikan sa Philstar/MEL BANAT NEWS
- Latest
