3 nangawat og soya, nasakmitan og shabu
CEBU, Philippines - Nasikop sa kapolisan ang tulo ka lalaki nga nangawat og usa ka sakong soya milk sa North Reclamation Area, Carreta, Dakbayan sa Sugbo alas 10 pasado sa gabii niadtong Sabado.
Ang soya milk gipanag-iya sa negosyante nga si Anthony Francis Tan, 44-anyos, taga Barangay Mabolo, Cebu City.
Ang mga nadakpan nailhan nga sila si Freddie Nacilla Rendon, Jr., 28; Gerson Mansor Chavez, 29, ug Nelmar Mansor Chavez, 20, pulos taga Salvador, Labangon.
Ang mga dinakpan nasakmitan sab og pito ka gagmay’ng pakete sa gidudahang shabu ug mga drug paraphernalia.
Samtang tulo ka gidudahang pushers og shabu nga nitahan na sa Oplan Tukhang sa kapolisan sa Mandaue City Police Office ang nadakpan sa buy-bust operation sa dalan Hernan Cortes, Subangdaku niadtong Domingo.
Si Senior Police Officer 1 Michael Limalima sa Presinto 2 sa MCPO niila sa tulo nga sila si Reynold Medrina alyas Balong, 40, lumad nga taga Sta. Cruz, Calape, Bohol; Armado Montemor alyas Dodong, 42, taga Sitio Aroma, Subangdaku ug Marites Gallardo, 31, dalaga nga taga Sta. Lucia, Paray Compound, Mabolo, Dakbayan sa Sugbo. (BANAT NEWS)
- Latest
