Mugna sa mga priso gibida sa exhibit

CEBU, Philippines - Nagpahigayon og 5  ka adlaw nga exhibit ang Bureau of Jail Management and Penology-7 sa lobby sa Cebu City Hall  nga nagsugod kagahapon ug matapos karong Biyernes, Nobiyembre 25.

Matud ni JO1 Jeramay Campaner sa Inmates Welfare and Development Division nga ang mga produkto ginama sa mga priso sa  Cebu City Jail Male & Female Dormitory, Mandaue City Jail Female Dormitory, Naga City Jail, Bogo City Jail, Danao City Jail, Talibon District Jail sa Bohol, Carcar City Jail ug Toledo City Jail.

Dugang ni Campaner nga giplastar nila ang mga produkto sa City Hall kay daku sila’g makuha nga income. Gani kagahapon daghan na ang namalit. Ang halin niini maangkon sa mga priso aron aduna silay magamit o ba kaha ilang ipadala sa ilang mga pamilya. (BANAT NEWS)