4 armas gikan US nasakmit
CEBU, Philippines – Mga high-powered pistol ug revolvers lakip na mga bala niini ang nasakmit sa mga sakop sa Bureau of Customs-Cebu kagahapon.
Ang maong mga armas gikatahong nasakmit gikan sa Rocky Mountain High, Colorado, USA.
Sumala pa ni BOC-Cebu district Arnulfo Marcos ang ilang nasakmit usa ka pistola ug calibers .38 ug .357 lakip na ang mga bala niini.
Matud pa ni Marcos ang maong mga armas gisud sa usa ka container van nga gideklarar nga personal effects.
"Yung consignee is a Filipina na galing silang mag-asawa na taga Colorado. Hindi pwedeng ipasok ang mga baril at live ammunition na declared as personal effects," pasabot pa ni Marcos.
Sumala pa niya, ang magtiayon kinsa wala pa nila pangalani gikatakdang pasakaan og kasong smuggling.
Atol ning pagsulat sa balita, ang BOC naghimo pa og imbentaryo sa sud sa maong container van sa magtiayon.
Karong adlawa ilang ipagawas ang kompletong report kabahin niini. (Gikan sa The Freeman/EIM)
- Latest
