Buy-bust sa sementeryo, P19 mil shabu nasakmit
CEBU, Philippines – Mokabat sa P19 mil nga kantidad sa gituohang shabu ang nasakmit sa kapolisan gikan sa 23-anyos nga lalaki atol sa buy-bust operation sa barangay Kawit, lungsod sa Medellin niadto’ng nakalabay nga hapon.
Ang nasikop naila nga si Sydney Erl Gulbe, ulitawo ug nagpuyo sa mao’ng lugar.
Ang operasyon gipangulohan ni Sr. Insp. Cristopher Fernandez, hepe sa Medellin Police Station, human sa halos duha ka semana nga pagpaniid sa ilegal nga kalihukan ni Gulbe.
Gamit ang P200 nga buy-bust money nakapalit ang asset sa kapolisan og usa ka pakete sa gituohang shabu diin ang transaksiyon natigayun sulod sa usa ka sementeryo.
Nisuway pagdagan paingon sa baybayon ang suspek apan gigukod ug nadakpan.
Nakuha sa kapolisan ang usa ka gamay nga pakete ug usa ka daku nga putos sa gituohang shabu lakip na ang P200 nga buy-bust money. – /GMR) (BANAT NEWS)
- Latest
