Kawatan na-trap sa kusina
CEBU, Philippines – Naaktohan sa tag-iya ang usa ka lalaki nga nangawat sa iyang panimalay sa barangay Basak, lungsod sa Compostela alas 9 pasado ang takna sa buntag niadtong Domingo.
Si Senior Police Officer 1 Ernesto Pepito niila sa nadakpan nga si Rejie Aligno Mojada, hingkod, nagpuyo sa maong lungsod ug ang panimalay nga gisulod gipanag-iya ni Jenevil Tinio.
Matud ni Pepito nga nisulod sa panimalay sa biktima ang suspek ug gikuha na unta ang mga butang nga naglakip sa Cignal box nga P3,000 ang kantidad, DVD player nga P50,000 ug usa ka television set.
Si Tinio gibati og kahibulong nga nakatag na ang iyang mga butang ug sa dihang dali niya nga gisulod maoy iyang namatikdan ang pagdagan sa suspek paingon sa kusina ug wala ka gawas kay gikandadohan ang pultahan. Dali nga nakapangayo og panabang ang biktima sa mga barangay tanod sa ilang dapit hinungdan nga dali nila’ng gisikop ug gitahan sa kapolisan. – /GMR) (BANAT NEWS)
- Latest
