Watchman sa resort namusil
CEBU, Philippines – Patay na nga nadangat sa tambalanan ang 25-anyos nga lalaki human gipusil igo sa ilok sa usa ka “watchman” sa usa ka beach resort sa sitio Looc, Poblacion, Argao niadtong nakalabay nga gabii.
Ang biktima naila nga si Dindo Kintanar, taga Mabasa, Argao samtang ang suspek naila nga si Mariovic Narca, 31, lumad nga taga Leyte ug kasamtangang nagpuyo sa maong lugar nga silingan ra sab sa biktima.
Matud ni PO3 Benjamin Gerosaga, desk officer sa Argao Police, nga unang nagkalalis ang duha human gisukna ni Kintanar si Narca nganong nagtan-aw-tan-aw kaniya.
Nagkalalis ang duha apan milakaw ang biktima.
Pipila ka minutos subli na sab nga nagkalalis ang duha dihang nagkita ug sa kalagot sa suspek diin wala nakabantay ang biktima nga duna diay dala nga armas si Narca ug dayon pusil igo dapit sa ilok.
Dali pa unta nga gidala sa Isidro Kintanar Memorial District Hospital ang biktima apan patay na kini nga naabot sa tambalanan samtang dali sab nga nisibat si Narca. – /GMR) (BANAT NEWS)
- Latest
