^

Banat Palaro

Spurs, Lakers padayong miratsada

Emmanuel B. Villaruel - Banat
Spurs, Lakers padayong miratsada

CEBU, Philippines — Padayong nanginit ang San Antonio Spurs ingon man ang labing sikit nilang karibal sa Western Conference nga Los Angeles Lakers.

Ang Fil-Am nga si Dylan Harper mipaulbo og 31 puntos, samtang si Victor Wembanyama miharos og 26 puntos, 10 ka rebounds, unom ka assists ug lima ka blocks sa dihang gibuntog sa San Antonio Spurs ang Utah Jazz, 110-102, alang sa ika-12 nilang sagunson nga daog.

Ang Utah, nga kausa pa makadaog ning season, labaw og singko puntos sa tunga-tungang bahin sa katapusang kuwarter apan ang Spurs milusad og nagkayong 16-4 rally sa pinal nga tres minutos aron bughaon ang Jazz ug inaton ang ilang rekord ngadto sa 12-2.

Sa laing bahin, si Luka Doncic mikadlit sa ikapito niyang 40 puntos o sobra pa ning season sa 131-123 nga kadaogan sa Lakers batok sa Phoenix Suns.

Si Doncic milansang og lima ka 3-pointers sa iyang 43 puntos nga iyang gidayanan-dayanan og siyam ka assists. Si Quentin Grimes midugang og 22 puntos, samtang sila si Collin Sexton ug Walker Kessler nagkumboya'g 30 puntos alang sa LA.

Sa Eastern Conference, si LeBron James misulod sa ikatulong dapit sa listahan sa NBA all-time assists leaders sa dihang gidominar sa Philadelphia 76ers ang Indiana Pacers, 131-124.

Si James mihipos og 15 puntos alang sa Sixers, nga nagtangan na karon og 11-3 nga baraha. Ang 11  ka assists ni LeBron maoy nakapalabay niya ni Jason Kidd uban ang 12,091 ka assists sa iyang karera.

NBA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with