^

Banat Balita

Namaligya'g "TIRZE" nadakpan

Romeo D. Marantal - Banat

CEBU, Philippines — Duha ka tawo ang nasikop sa entrapment operation sa Criminal Investigation and Detection Group (CIDG) human giingong namaligya og mga produktong pangpagamay nga walay rehistro sa Food and Drug Administration (FDA) sa Barangay Babag, dakbayan sa Lapu-Lapu, Miyerkules sa hapon, Nobyembre 18.

Gibanabanang mikabat sa P250,000 ang kantidad sa mga nasakmit nga produkto. Giila ang mga dinakpan nga sila si alyas Demi ug alyas Kim, pulos 28 anyos.

Gipahigayon sa CIDG Mandaue City Field Unit ang operasyon sa Purok Thunder human makadawat og impormasyon kabahin sa giingong ilegal nga pagpamaligya sa maong mga produkto.

Narekober atol sa operasyon ang produktong gitawag og "Tirzi" nga gigamit alang sa pagpaniwang, mga syringe ug buy-bust money.

Matud sa mga dinakpan, wala silay mga dokumento nga ikapakita aron pamatud-an nga legal ang ilang pagpamaligya sa maong mga produkto.

Gikumpirma usab sa FDA nga wala marehistro ang mga nasakmit nga produkto. Tungod niini, posibleng mag-atubang ang duha og kaso kalabot sa paglapas sa Republic Act 9711 o FDA Act of 2009, nga nag-regulate sa pagbaligya, pag-apod-apod ug pagpanag-iya sa mga health products. (BANAT NEWS)

ARRESTED

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with