4th District maoy nagrabehan sa Cebu-Salimbangon

CEBU, Philippines - Ang Kwatro Distrito sa Sugbo, nga maoy ikaduhang kayutaan nga gitugpahan sa super typhoon "Yolanda" dili gyud mahitsura tungod sa sobra ka daku sa danyos ilabi na sa munisipyo sa Madridejos sa Isla sa Bantayan. Si Congressman Benhur Salimbangon (Fourth District) nihimo og usa ka aerial inspection niadtong Sabado uban sa mga sakop sa media, nakita gyud kung unsa kalapad ang kadaot sa maong bagyo.

Si super typhoon Yolanda, ni landfall sa Medellin ug Daan Bantayan ug sa Bantayan Island nga gilangkuban sa tulo ka munisipyo, Bantayan, Madredijos ug Sta. Fe.

Si Salimbangon, nga gikan pa sa Hongkong nidiretso sa pagpahigayon og aerial inspection nagkanayon nga kaning mga lugara dili siya makatoo nga hapit tanang balay ug mga imprastruktura, nahurot.

The Kwatro Distrito gilangkuban kini og walo ka munisipyo (Tabogon, Medellin, Daan Bantayan, Bantayan, Sta. Fe, Madridejos, San Remigio ug Tabuelan) ug Bogo City. Adunay kini populasyon nga 500,000. "Pinaka grabe ang kadaot sa Madridejos, tan-aw nako mga 90 porsiyento sa kabalayan ug infrastructure, nangaguba gyud," matud pa ni Salimbangon. Ang siyudad sa Bogo, Medellen ug Daan Bantayan lakip na ang Malapascua Island daku usab ang kadaut niini. Ang kabalayan usab sa Kinatarcan Island nga 10,000 populasyon hurot hurot sad og kaguba ug ang kabalayan sa Hilantagan Island,  nga adunay populasyon nga 5,000 population. Kining duha ka isla nasakop sa Sta. Fe. "Hurot-hurot gyud og kaguba ang mga balay sa duha ka isla. Mura og nangadugmok, " dungag pa ni Salimbangon. Nakita usab ni Salimbangon nga hapit tanan balay sa Medellin nangaguba usab apil na ang ilang ancestral house nga naa nahimutang sa barangay Curva.

Si Salimbangon mo- report sa Kongreso pinaagi ni House Speaker Feliciano Belmonte aron kahatagan og ayuda ang iyang distrito. (/EIM) (BANAT NEWS)