Lalaki gipusil sa 4 tulisan
- Cerie Uy Gamboa () - May 17, 2010 - 12:00am

CEBU, Philippines - Talandugon ang kahimtang sa usa ka lalaking gipusil sa usa sa upat ka mga tulisan diha sa sitio Panglanan, barangay Tominjao lungsod sa Daanbantayan pasado alas 4:30 sa milabay’ng kaadlawon.

Ang napusilan mao si Renato Sinangote, taga barangay Panugnawan sa Medellin kinsa naigo sa iyang buko-buko ug ang bala milapos sa iyang tiyan.

Kauban ni Sinangote sila si Cindy Mae Ponpon, taga sitio Libertad, barangay Bagay lungsod sa Daanbantayan nga usa ka mamalitay og kopras uban nila ni Renato Sinangote, nga taga barangay Panugnawan, lungsod sa Medellin; Anthony Gipgano; Jomar Gipgano nga nagtrabaho isip mga kargador ug ang drayber sa Toyota cargo pickup nga si Oscar Siasat.

Matud pa ni PO2 Edwin Dignos sa Daanbantayan police station dihang nahinabi sa Banat News ang mga biktima naghunong sa nahisgutang lugar aron mamalit og kopras.

Gikatahong miduol ang upat ka mga lalaking nagpakaaron-ingnong adunay ibaligyang kopras apan kalit nga mideklarar og tulis.

Matud pa sa kapolisan ang usa sa mga tulisan nagdala og sundang, samtang ang usa nagdala og nine-millimeter pistol dayon tion niini ug mideklarar og tulis.

Ang drayber nga si Siasat daling mipadagan sa trak pahilayo sa maong dapit apan wala makabantay si Renato Sinangote ug nabiyaan hinungdan nga kini maoy gipusil sa mga tulisan.

Sumala pa ni Dignos misinggit pa si Sinangote ngadto sa mga tulisan og “wa lagi ko’y kwarta!” apan ang mga tulisan padayon sa pagpusil kaniya hangtud nga naigo kini sa buko buko ug milapos sa iyang tiyan ang bala.

Gidala ang maong samdan sa Daanbantayan District Hospital apan pipila ka minutos ang milabay, gibalhin ra usab kini sa Don Vicente Sotto Memorial Medical Center tungod sa grabeng kadaut nga nahiaguman niini.

Ang trak naigo sa pultahan ug nangabuslot usab ang windshield niini apan swerte gyud kay walay naigo bisan usa sa sulod. – BANAT NEWS

ANTHONY GIPGANO BANAT NEWS CINDY MAE PONPON DAANBANTAYAN DAANBANTAYAN DISTRICT HOSPITAL DON VICENTE SOTTO MEMORIAL MEDICAL CENTER EDWIN DIGNOS RENATO SINANGOTE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with