Task Force sa West Philippine Sea, binuo
MANILA, Philippines – Bumuo si Pangulong Aquino ng National Task Force for the West Philippine Sea (NTF-WPS) sa pamamagitan ng isang Memorandum Circular.
Sa nilagdaang MC no. 94 ni Pangulong Aquino, ang mga bumubuong kasapi ng task force ay ang National Security Adviser, DFA, DND, DOJ, DILG, DENR, DOE, DA, DTI, DOTC, DOF, NEDA, National Coast Watch System, AFP, PNP-Maritime Group, PCG at BFAR.
Binuo ang Task Force upang ipagtanggol ang interes ng Pilipinas sa WPS sang-ayon sa nakasaad sa Konstitusyon.
“Whereas consistent with the Constitution, the Philippines interests in the West Philippine Sea transcend the maritime security domain and coherent approach in addressing the West Philippine issue is needed for the purpose of orchestrating the national effort and achieving unified action in the West Philippine Sea,” nakasaad pa sa memorandum circular.
Ginawa ng Pangulo ang MC na ito sa gitna ng mga ginagawang illegal na construction ng China sa inaangkin nitong mga teritoryo sa West Philippine Sea.
Naghain ng reklamo sa permanent court of arbitration ng UN sa The Hague dahil sa ginagawang pananakop ng China sa teritoryo ng Pilipinas sa West Philippine Sea.
- Latest
