Bashers gigathan ni Lyca

CEBU, Philippines — Gitubag ni Lyca Gairanod ang mga nikuwestiyon sa iyang politikal nga mga baruganan, ug gihangyo niya  nga dili manghilabot sa iyang personal nga kinabuhi. Sa usa ka TikTok Live, gitubag sa unang grand champion sa “The Voice Kids Philippines” ang mga pagpanaway nga iyang nadawat online sa niaging  mga adlaw. “Bakit niyo ba ako pinapakialaman?” ni Lyca pa.

_{Gidak-an sa piyansa}

Mihangyo  ang kampo ni Lakambini “Lakam” Chiu, igsoon sa TV host-actress nga si Kim Chiu, nga paubsan  ang P5.8 milyon nga piyansa nga girekomendar sa korte sa Quezon City alang sa kasong qualified theft.Suma pa  sa iyang abogado nga si Dominic Solis , nangayo sila og makatarunganong kantidad sa piyansa aron dili kini mahimong babag sa katungod ni Lakam nga temporaryong makagawas samtang gihusay ang kaso. “Ang hiling po namin ay reasonable bail naman po na hindi magiging hadlang sa kanyang karapatan na pansamantalang makalaya habang nililitis ang kaso,” suma pa  ni Solis sa interview niini sa ABS-CBN News.

Suportado sa iyaan

Mipabuhagay sa iyang dakong suporta si Gelli de Belen sa love life sa iyang pag-umangkon nga si Kaila Estrada kinsa malipayon karon sa relasyon nila ni  Daniel Padilla. Ang maong butang nahisgotan atol sa guesting ni Gelli sa  “Fast Talk with Boy Abunda”  sa niaging adlaw . “As long as you both are happy, as long as you bring out the best in each other, happiness,” suma  ni Gelli.