Abilidad ni Robb nauyonan

CEBU, Philippines — Gibutyag ni Direk Louie Ignacio nga nakapakpak gyud siya sa ka maayo moarte sa aktres nga si Robb Guinto. Siya ang direktor sa pelikula ni Robb nga Desperada nga kabahin sa 8th Sinag Maynila filmfest. Nakahilak si Robb sa positibong komento nga iyang nadawat gikan sa maong direktor . Nagpasalamat usab siya sa pagsalig nga iyang nadawat alang sa maong proyekto .

Pasakaan og kaso

Mitingog na ang aktor nga si Arron Villaflor kalabot sa isyu nga duna siya'y video scandal. Suma pa niya nga duna na siya'y gibuhat nga  legal action  kalabot sa walay pagtugot nga pag-record,ingon man usab ang pagpakatap sa video ."As both a citizen and a public servant, I strongly condemn the weaponization of private content and all forms of digital violence. No person deserves to have their dignity violated in this way," tipik sa statement sa aktor.

Jillian mi-renew  sa GMA

Mi-renew sa niaging adlaw sa iyang kontrata sa Sparkle GMA Artist Center ang aktres nga si Jillian Ward .Nitambong sa  contract signing sila  Sparkle Assistant Vice President for Talent Management Vic del Rosario, GMA Senior Vice President Atty. Annette Gozon-Valdes ,  Sparkle First Vice President Joy Marcelo, ug uban pa nga  Kapuso executives."I'm so happy kasi sa GMA po, they don't value their artists because they are artists, they value their artists as people, as humans. I'm so grateful and I pray na hanggang maging lola po ako, nandito ako. Forever! Thank you, Sparkle," saysay pa ni Jillian .

Rhian, gi-target sa usa ka troll farm

Nasuta sa Kapuso actress nga dunay troll farm  kun diin siya ang gi-target .

Base sa gihimo niya nga lapad nga pakisusi , giingong kasagaran sa nangatake niya sa social media kay dummy accounts  ug nagikan kini  sa susama nga lokasyon.

Suma pa ni Rhian nga  naa sa Cotabato City ang kasagaran sa nanaot kaniya ug tataw nga nag-ugat kini sa troll farm.   

Nico Locco  miangkon sa video scandal

Giangkon ni Nico Locco nga siya ang  lalaki nga naa  sa laing nikatap nga  video scandal.

Matud pa niya nga nakugang gyud siya sa maong nikatap nga video apan dili niya batasan nga mamakak.

 Wala na nagpaapekto si Nico niini ug gilingaw na lang niya ang iyang  kaugalingon sa pagbakasyon sa nagkalain-laing nasud. 

Henri G mipabuhagay sa iyang bag-ong single nga “Hindi Ko Masabi”

Ang GMA Playlist artist ug proud trans singer nga si Henri G kay opisyal nang misulod sa iyang R&B era pinaagi sa pagpagawas sa iyang labing bag-ong kanta nga “Hindi Ko Masabi.” Human sa iyang debut ballad, mibalik siya sa paghulagway  sa kahadlok, kakulba, ug kahilom sa gugmang wala pa masulti.

Ang “Hindi Ko Masabi” naghisgot sa padayon nga pagbira ug pagduso sa pagbati sa usa ka tawo nga gustong moangkon sa iyang gugma apan nagduha-duha. Ang kanta murag usa ka diretsong mensahe alang sa tawo nga iyang gihigugma,uban sa pagdumili sa kaugalingong pagbati ug sa pagdawat nga nahigugma siya bisan pa gikan lamang sa layo.

Gigama kini   ni Roxanne E. Fabian, gipaluyohan  ni Rocky S. Gacho, ug gi-master ni Harry A. Bernardino.

Sumala kang Henri G, lahi kaayo ang maong single kumpara sa iyang unang ballad.

“It’s a song about the ‘what ifs’ and the ‘almost’ of a romantic confession to someone. “Confessing was one of the longest battles I experienced. Sometimes I get shy to say what I truly feel because sometimes I can’t show it,” niya pa.

Nagmalaumon si  Henri G nga ang mga maminaw sa maong awit kay  makakuha og inspirasyon aron mahimong mas maisugon sa pag-angkon sa ilang gugma sa usa ka tawo nga ilang gipangga.

 “As a transgender woman, I am incredibly happy that I was given another chance to release my music,” dugang pa niya.

Ang “Hindi Ko Masabi” ni Henri G kay madungog na sa nagkadaiyang  music streaming platforms .

ABS-CBN, mianunsyo sa primetime lineup sugod karong Marso 16

Todo pasalamat ang  ABS-CBN ug ang aktor nga si Coco Martin sa tanang nisuporta sa  istorya ni Tanggol sa seryeng FPJ’s Batang Quiapo, nga ni-click gyud sa  primetime series sa Pilipinas niadtong  2023.

Una na nga gianunsyo nga kutob na lang karong Marso 13 ang maong serye. Subay niini ,   gipahibalo na sa ABS-CBN  ang  bag-ong primetime lineup sugod karong  Marso 16.

Sa   gipagawas nga statement ,  buksan   ang primetime block sa alas-8 sa gabii pinaagi sa seryeng The Alibi nga pagabidahan nila Kim Chiu ug Paulo Avelino.

Mosunod sa alas-8:45 sa gabii ang mystery drama nga What Lies Beneath, nga padayon nga gisundan sa viewers  tungod sa misteryo kung kinsa gyud ang tinuod nga killer.

Sa alas-9:30 sa gabii, i-ere ang South Korean romance drama nga Love Scout nga gibidahan nila Lee Jun-hyuk ug Han Ji-min.

Samtang sa alas-10:15 sa gabii, makita  usab ang popular nga Chinese drama nga Forbidden Flower nga gibidahan sa Taiwanese actor nga si Jerry Yan. Sa laing bahin, ibalhin sa laing petsa ang gipaabot nga teleserye nga “Sigabo”  nga pagabidahan nila Coco Martin ug Julia Montes, samtang padayon pa ang pagpangandam niini aron mahatagan ang  viewers og bag-o nga putahe  sa telebisyon.

Makita ang mga  programa sa ABS-CBN sa  Kapamilya Channel sa ALLTV2, A2Z, ug sa streaming platform nga iWant.