Sisa

CEBU, Philippines — Gipalugwa na sa IdeaFirst Company ang  official trailer sa  upcoming historical thriller film nga Sisa nga gibidahan sa  award-winning  actress nga si  Hilda Koronel. Nalakip usab sa maong pelikula sila  Eugene Domingo ug Jennica Garcia. Ipasalida kini sa mga sinehan karong  Marso 4, 2026.

Nakahilak sa sitwasyon 

Nakahilak si  Ai-Ai delas Alas sa dihang  giduaw niya ang mga pasyente nga dunay  cancer sa usa ka pampublikong tambalanan didto  sa kaulohan . Nakita sa komedyanteng aktres ang dili lalim nga sitwasyon sa mga pasyente . Nanghinaot si Ai Ai nga hatagan og dakong pagtagad sa gobyerno ang mga tambalanan.

Rob migradwar na

Nahuman na gyud sa aktor nga si Rob Gomez ang kursong Business Management  sa Southville International School Affiliated with Foreign Universities (SISFU) sa Las Piñas City . Gipahinungod ni Rob  ang iyang  college diploma ngadto sa iyang apohan nga  kanhi  aktres nga si Agnes Moran, ug ang iyang inahan nga kanhi pud aktres  nga si Kate Gomez.

Maymay nabag-ohan sa relasyon

Aminado ang aktres nga si  Maymay Entrata nga nabag-ohan gyud siya sa iyang bag-ong love life .

Bisan pa man niini , malipayon si Maymay  sa iyang boyfriend nga  Filipino-American commercial model nga si Joaquin Enriquez.

 “Sobrang supportive niya po na every month siya pumupunta dito na after trabaho niya pupunta siya rito. Nakabase po kasi siya sa US," saysay pa sa aktres ngadto sa  PUSH ABS-CBN.

Kahinumdoman nga sa wala naabot si Joaquin sa kinabuhi ni Maymay , nauyab sa aktres kaniadto si  Aaron Haskell ug nilungtad og duha ka tuig ang ilang relasyon. —SJA

BINI Jhoanna ug Skusta Clee nag-date sa Vietnam?

Nagduda ang mga chismosa nga nag-uban sa pagbakasyon sa Vietnam ang miyembro sa BINI nga si Jhoanna Robles ug ang  rapper-singer nga si Daryl Ruiz  nga nailhan sa kadaghanan  isip "Skusta Clee."

Nag-ugat ang maong intriga human nabatyagan nga pareho nga mga lugar ang giadtoan nila sa Vietnam .

Apan ang  pipila ka fans ni Jhoanna kay nipadayag nga posibleng na-timing lang nga susama nga mga adlaw  nga niadto ang duha sa Vietnam ug  wala gyud kini nag-uban.

Ka-sexy ni Liza!

Nagpaambit og hugyaw  nga mga litrato ang aktres nga si Liza Soberano  isip kabahin sa iyang 28th  birthday photoshoot niadtong Domingo.

Nilutaw og samot  ang ka-sexy ni Liza sa maong mga hulagway .

Sa iyang Instagram post, nagpasalamat ang aktres sa tanang birthday greetings nga iyang nadawat.

“Thank you for all the birthday greetings. I may not be able to respond to each and every one of you but please know they are deeply appreciated!! I have so much more to say but for now here are some photos from this shoot I produced back home in the Philippines with the best team,” suma pa ni Liza. 

Ahn Sung Ki mipanaw

Nitaliwan na ang legendary Korean actor nga si Ahn Sung Ki kagahapon sa buntag .

Ang Artist Company maoy nikumpirmar sa kamatayon sa 74 anyos nga aktor .

"Actor Ahn Sung Ki passed away at 9:00 a.m. on January 5, 2026 at the age of 74. With a profound sense of duty to his craft and unwavering sincerity, Ahn Sung Ki walked alongside the history of Korean popular culture.His performances were always directed toward people and life itself, and through countless projects, he offered deep resonance and comfort across eras and generations," tipik sa statement sa maong talent agency . Kahinumdoman nga niadtong  2019 , na-diagnose si Ahn Sung Ki nga dunay  blood cancer. Pag-abot sa  2020, gideklarar siya nga  cancer-free, apan naabot ang panahon nga nibalik gihapon ang iyang sakit.