Faye, hindi kayang maghubad

Unang nakilala si  bilang isang sexy comedienne sa Bubble Gang. Sa ngayon ay wala raw plano ang dalaga na magpaseksi sa mga pelikula. “Parang sa ngayon hindi na yata. Kasi parang okay naman, nagagawa ko naman ‘yung binibigay sa aking character,” nakangiting pahayag sa amin ni Faye sa Fast Talk with Boy Abunda.

Para sa aktres ay wala namang masama sa ginagawang pagpapaseksi sa proyekto ng mga artista. Ayon kay Faye ay mas mabuti nang ang talento sa pag-arte ang mapanood sa kanya ng mga tagahanga. Gumaganap ngayon ang sexy actress bilang kontrabida sa Hating Kapatid na pinagbibidahan nina Carmina Villarroel, Zoren Legaspi at ang kambal na anak na sina Cassy at Mavy Legaspi. “Hindi ako against sa naggagano’n. Sa akin hindi ko talaga kaya ‘yung total nudity. Kasi kaya ko namang laruin kahit hindi ako nagpapakita totally,” giit ng dalaga.

Isang malaking karangalan para kay Faye na naging bahagi ng ika-tatlumpung anibersaryo ng Bubble Gang. “Kasi sa Bubble Gang po talaga ako nagsimula. Bubble Gang talaga ‘yung unang pintong nagbukas sa akin dito sa showbiz kaya mahal na mahal ko ‘yang show na ‘yan. Kaya nga no’ng nag-gradute na ako, sobrang iyak ko diyan. No’ng sinabi na magiging part ako ng 30th anniversary, sobang saya ko, as in, dahil sa Bubble Gang sobrang daming blessing na dumating sa akin,” pagtatapos ng aktres.

Gabbi, hindi kuripot at mahilig mag-shopping

Mahigit isang dekada nang aktibo sa show business si Gabbi Garcia. Limang taon na ang nakalilipas nang magpasya ang aktres na pangalagaan ang sariling mga kinikita sa mga trabaho.

“I’m blessed that my parents allowed me and trusted me to take care of it at a very young age. I took control of my money when I was like 22. As in I learned the basics. Natuto akong mag-deposit mag-isa sa bangko. ‘Yung gano’n in my early 20s. I was blessed that I was able to take charge of my earning at a young age and I learned so much,” pagbabahagi sa amin ni Gabbi sa The Interviewer.

Natuto umano ang Kapuso actress mula sa mga magulang kung paano humawak at magpaikot ng salapi. “Hindi naman ako kuripot pero I am very wise when it comes to money. Ma-shopping ako, yes, pero ang akala kasi ng mga tao talagang winawaldas ko ang pera ko but no. I have my budget for that. I invest, I make sure to put in the right places. My parents are there always. They tell me, you know what at this age we are already your consultants in life,” kwento ng aktres.

Ayon kay Gabbi ay mayroon din siyang sariling financial advisor na talagang nakatutulong kung paano mapalalago ang kanyang pera.

“I have a financial advisor who takes care of my money when it comes to investing to stocks, shares, bonds. For me growing up, hindi pwede ‘yung kasi tayong mga Pinoy, ‘di ba, natutuwa tayo ‘pag tumataas ang bank account natin, ‘di ba? It’s so satisfying pero no, you have to put it where it will grow,” paliwanag ng aktres.

(Reports from JCC)