1521 nauyonan ni Mayor Chan

CEBU, Philippines — Nagmalampuson ang gihimong special screening  sa pelikulang 1521 sa niaging gabii didto sa SM Seaside Cebu.

Nangulo sa maong kalihokan ang producer sa maong pelikula nga si Francis Lara Ho ug nanambong usab sila si  Lapu-Lapu City Mayor Junard "Ahong" Chan ug ang kapikas niini nga si  Kongresista Cindi Chan.

Nakadayeg ang magtiayong Chan sa pelikulang 1521 busa nitimbaya gyud sila sa producer sa maong pelikula.

Suportado ni Mayor Chan ang maong pelikula tungod kay nagtuki kini sa kasaysayan sa Mactan ug sa bayanihong buhat ni Lapulapu.

Si Bea Alonzo ang bida sa 1521 ug gidala niini ang papel ni Diwata, usa ka babaylan sa tribu ni Datu Lapulapu.

Ang 1521 makita sa mga sinehan sugod karong Hunyo 5, 2024.