Pagtin-aw sa isyu

CEBU, Philippines — Gitataw ni Derek Ramsey nga walay nahitabong dakong kagubot sa dihang mihawa sa iyang panimalay ang iyang ex-girlfriend nga si Joanne Villablanca. “We broke up before I left for La Union. We rarely spoke before I left for La Union and the time that I was in La Union was the time that she would use to move out of the house. Yon yung kasunduan namin, yon yung pinag-usapan namin. Walang sigawan, walang murahan, walang ganun. Ang usapan is when I’m gone, take your time to move your things out of the house. I didn’t get her stuff and throw it outside the house, wow!”, asoy pa ni Derek.

Teaser sa block z

Milugwa na ang teaser sa pelikula nila ni Julia Barretto ug Joshua Garcia nga nag-ulohan og ‘Block Z’. Mao kini ang usa sa gikabisihan nga proyekto ni Mikhail Red nga ang direktor sa maong pelikula.

Nasakitan

Sa pangidaron nga 6 anyos, nakasinati na si Ryzza Mae Dizon og bullying. Matud pa niya nga  dunay nagyaga-yaga kaniya sa iyang  pagsalmot kaniadto sa Little Philippines  sa Eat Bulaga.

Suportado ang tandem

Suportado ni Gerald Anderson ang pagbanhaw sa tandem nila ni Bea Alonzo ug John Lloyd Cruz. Nasayran nga nag-uban sa usa ka endorsement sila si Lloydie ug Bea kun diin nalakip  sa listhan ang aktor nga si Piolo Pascual.

Kondisyon ni Liza

Mipaubos na si Liza Soberano sa ikaupat ug katapusan nga proseso sa operasyon alang sa iyang tudlo nga na-injure. Mihatag na og update si Liza kabahin niini. “Finally done with my last procedure in hopes of fixing my finger. Unfortunately it will never function the same way again but at least its there!”, suma pa ni Liza.

Mibalik tungod sa pagmahal

Mibalik na sa entertainment industry ang alternative rock legend ug songwriter nga si Rico Blanco human sa tulo ka tuig nga pagpahuway. Gitataw ni Rico nga dili kakapoy ang nakapahunong kaniya apan dili na siya malipayon kaniadto. Karon, sa iyang pagbalik, daghan siya og naamgohan sa iyang pagpahuway.

Cast sa madrasta

Sila si Arra San Agustin, Juancho Trivino, Gladys Reyes, Kelvin Miranda, Manilyn Reynes, Thea Tolentino, Almira Muhlach, ug Phytos Ramirez mao ang cast sa bag-ong serye nga ‘Madrasta’. Sa dili madugay, mosikad na ang maong drama series sa GMA.

Nauli ang cellphone

Dako ang pasalamat ni Saab Magalona sa usa ka mall sa Quezon City gumikan kay nauli ang iyang cellphone nga nawala sa sulod sa 24 ka minutos. Matud pa ni Saab nga nawala ang iyang cellphone sulod sa sinehan.

Nalouy ni Matteo

Gusto na iuli ni Sarah Geronimo ang iyang uyab nga si Matteo Guidicelli human nga nasayran ang kahimtang niini sa kampo isip usa ka Army Reserve Force. Giasoy ni Matteo sa iyang pagbisita sa Magandang Buhay nga naluoy matud pa si Sarah nga dili lalim ang ilang trabaho isip usa ka sundalo.

Tarong kasabot

Gisaysay ni Barbie Forteza nga kinahanglan nga propesyonal gyud siya sa iyang trabaho. Matud pa niya nga bahala og kuwang ang iyang tulog ug pahuway apan kinahanglan gyud niya nga mobangon gumikan kay kinahanglan gyud niya nga manikaysikay sa trabaho.

Pia mibisita sa sugbo

Ania kagahapon dinhi sa Sugbo partikular na sa Love Yourself White House si Miss Universe 2015 Pia Wurtzbach alang sa pagsuporta organisasyon nga Love Yourself Inc. nga mao ang hugpong nga naghatag og luna ug suporta sa kampanya sa HIV awareness.

Ang HIV Awareness mao kini ang gihuptan nga adbokasiya sa maong  beauty queen sukad pa niadtong misalmot siya sa Miss Universe.

Agi og pagsuporta ni Pia, gilusad sab sa maong organisasyon ang ETUF - Cebu’s Premier Fashion Auction nga mao ang usa sa pamaagi aron mas masuportahan pa ang maong adbokasiya.

Kagahapon, nahitabo sab ang fashion show didto sa Event’s Space sa Mabolo kun diin lakip siya nga nirampa kauban ang mga Sugbuanong talents nga sila si Bee Urgello, Karencitta, Deedee ug Alem Garcia.