GirlTrends, nagsisiraan at nag-aaway-away!
Ang grupong GirlTrends ng noontime program nina Vice Ganda, Anne Curtis at Vhong Navarro na It’s Showtime ay unti-unti nang nakikilala. Pero, mukhang hindi sila magiging singtatag ng grupong Hashtags. Mukhang masisira sila ng kanilang mga awayan. Katunayan, hindi napapansin ng mga manonood pero meron na palang naalis na miyembro dahil sa kanilang pag-aaway-away. Kung hindi pa nag-guest si Chie Filomena and openly mentioned her complaint against another member ay hindi pa malalaman ng lahat na all’s not well sa GirlTrends.
Pagbalik ni John Lloyd sa TV at pelikula hindi na nakakabigla
Nakakagulat ba kung balikan ni John Lloyd Cruz ang paggawa ng pelikula? Syempre hindi, wala nang mas gaganda pang trabaho bukod sa pag-arte sa harap ng camera. Na kay John Lloyd ang lahat ng pagkakataon at karapatan na balikan ang pag-aartista niya, let us just welcome him with open arms. Isa pa rin siyang asset ng pelikula at telebisyon.
Kathryn at Alden movie kailangang kumita
May dahilan para kabahan sina Kathryn Bernardo at Alden Richards sa kanilang unang pagpapareha. Hindi pa nila kasi nararamdaman ang 100% na suporta ng kanilang fans. Marami sa kanila ang nag-a-adjust pa sa malaking pagbabago na naganap. O baka naman marami sa kanila ang solid pa rin kay Daniel Padilla as Kathryn’s partner? At yung fans naman ni Alden ever since ay parang gustong manatili na lamang na nagsosolo ang idolo nila.
Bahala kayo, malaking kabawasan sa estado at popularidad nina Alden at Kathryn kapag sumemplang sila.
Congratulations!
Congrats sa katotong Ronald Rafer, meron siyang bagong kuwento na gagawin din niyang pelikula, at siya rin mismo ang magdidirek. Pinamagatan niya itong Sa Mga Sulok ng Pangarap na kung saan ang mga artista ay sina Bugoy Cariño, Belle Mariano, Izzy Canillo, Micko B. Laurente, Ynigo Delen at Justin Alba.
Gagamit din si Ronald ng local talents mula sa Quezon Province.
- Latest
