Walay labad

CEBU, Philippines – Tsika pa ni Nadine Lustre nga sayon ra gyud nga katrabaho ang aktor nga si Carlo Aquino. Matud pa niya nga wala kini labad katrabaho. Nag-uban ang duha sa pelikulang Ulan nga gipasalida sukad kagahapon. “Talagang no stress, walang bad vibes”, suma pa ni Nadine.

bida sa ‘a hard day’

Mobida ang Kapuso aktor nga si Dingdong Dantes sa Filipino adaptation sa  Korean movie nga “A Hard Day”. Mapakita niini ang dekalibre niya nga katakus sa pag-arte. Matud pa niya nga exciting ang dagan sa istorya gumikan kay aduna kini action, suspense, ug dark comedy.

Istorya ang gibaligya

Nanghinaot  si Direk Cathy Garcia-Molina nga hangpon sa publiko ang tandem nila ni Kathryn Bernardo ug Alden Richards sa usa ka pelikula.  Suma pa sa direktor nga ang dagan sa istorya maoy  gibaligya niya og maayo ingon man usab ang ka maayo sa mga artista. “I both respect their fandoms. Sana mahalin nila yung dalawa [with the ] same [na] pagmamahal kasi hindi naman yung love team nila yung binebenta dito but yung kwento at yung galing nila bilang artista”, suma pa ni Direk Cathy.

Pasok sa dragon lady

Adunay role ang Kapuso aktor nga si Rafael Rosell sa GMA Afternoon Prime na Dragon Lady. Gani, nasugdan na og kuha ang iyang mga eksena ug naghinayhinay na sab siya og kat-on sa pinulungang ininsik. Taud-taud sab nga nawala sa spotlight ang aktor mao nga excited siya sa maong  proyekto .

Fresh ang dagway

Tsika pa ni Sanya Lopez nga kanunay gyud siya magbutang og moisturizer sa iyang nawong ug dili sab niya kalimtan ang magpahid og lip tint sa iyang ngabil aron nga kanunay nga fresh ang iyang awra. Matud pa niya nga mas maayo kini nga routine kaysa magbutang og make-up sa nawong.

Kinabuhi ni bayani

DIli lalim ang kinabuhi ni  Bayani Agbayani sa dihang didto pa siya nagpuyo sa  Malabon ug  dili pa siya artista. Matud pa niya nga nahimo siya nga kargador ug gitabangan sab niya ang iyang inahan nga maninda og isda sa merkado. Dugang pa sa komedyante nga siya ang nagasto sa iyang pagtungha aron nga makaluag-luag sa gastuhan ang iyang ginikanan.

Nagpungasi ang trabaho

Bisan og anaa na nagpasilong si Mylene Dizon sa Kapuso network, aduna gihapon siya’y buhaton nga mga proyekto nga ubos sa Kapamilya Network. Lakip siya sa mobida sa digital show nga “Don’t Call Me Tita”. Makauban niya sila si Angelica Panganiban, Cherry Pie Picache, Agot Isidro ug Joanna Ampil.

Plan b ni Maymay

Tinguha ni Maymay Entrata ang maluwas sa kalisod ang iyang pamilya. Gisaysay niya nga aduna siya’y lain nga plano kaniadto kun  dili siya mahimong artista. Matud pa niya nga tapuson niya ang iyang pagtungha ug mag-abroad.

The one

Taud-taud na nga walay uyab ang Kapamilya star nga si Yen Santos. Gibutyag niya nga naghuwat lang siya sa tawo nga matawag niya og “The One”. “Siguro, talagang hinihintay ko na ang the one. ‘Yung taong… gusto ko kasi pag nagkaroon ako ng boyfriend, siya na yung makakasama ko talaga sa buhay. Siguro hindi pa ni God… pero siyempre kahit papaano, kapag umuuwi ka may taong kumukumusta sayo kasi wala akong family dito ako lang”, suma pa ni Yen.

Magpatukod og beach house

Lain na sab ang achievement nga naangkon karon sa komedyante nga si Pokwang. Human sa usa ka dekada nga paghuwat, mapatukuran na gyud niya og balay ang iyang napalit nga yuta sa Bataan. Usa kini ka beach house .