Balik na si Loydie

CEBU, Philippines - Balik trabaho na si John Lloyd Cruz. Nasigpatan na siya didto sa ABS-CBN compound nga nagtaping para sa sitcom nila ni Toni Gonzaga, ang Home Sweetie Home nga makita matag Domingo sa gabii. Wala pa masiguro kun kanus-a makita pag-usab sa sitcom si Loydie. Kahinumduman nga nadisgrasya si Loydie sa bisiklita atol sa taping nila sa summer station id mga duha ka semana na ang nakalabay.

Piolo sa Home Sweetie Home

Mulugwa sa Home Sweetie Home si Piolo Pascual karong gabii, isip ig-agaw ni Romeo (Loydie). Magdulog pa gyud sila ni Toni Gonzaga sa usa ka eksena. Suma pa nga isip ig-agaw ni Romeo, ang character ni Piolo kanunay nga problemado ug ang nahisgutan maoy iyang dangpanan.

Mubalik pa

Samtang gibutyag pud ni Ruffa Gutierrez sa usa ka presscon nga magbalik-balik ang iyang character sa Home Sweetie Home, busa subli ra siyang makit-an sa maong show nila ni Toni Gonzaga ug John Lloyd Cruz sa dili madugay. Panawagan pa niya nga dili na lang sila intrigahon ni Loydie gumikan kay managhigala na sila ug girespeto niya ang relasyon niini kang Angelica Panganiban.

Wala nay kiwaw

Nindot na matud pa karon ang panag-uban nila ni Alden Richards ug Marian Rivera sa set sa GMA7 primetime serye nga "Carmela." Dili na matud pa kiwawan si Alden kang Marian, dili na siya magduhaduha sa iyang mga lihok ug nagkasuod na gayud sila sa Primetime Queen sa GMA.

La Aunor charm

Nahugyaw si Jasmine Curtis sa iyang co-star nga si Superstar Nora Aunor. Matud ni Jasmine, wala gyud matud pa gipabatyag ni Ate Guy nga "baguhan" lamang siya ug buotan kaayo kini ngadto kaniya. Si Jamine ug La Aunor co-stars sa pelikulang Dementia.

Dili lagi siya support

Suma pa ni Julia Montes nga kinahanglan matud pa nga tan-awon una ang "Ikaw Lamang" nga teleserye nga magsugod na sa ABS-CBN primetime ugma. Kini aron masabtan sa mga tawo nga dili siya supporting actress lamang sa loveteam nila ni Kim Chiu ug Coco Martin. Nahimong isyu kining maong casting ngadto sa uban gumikan kay sila si Coco ug Julia ang magka-loveteam sa phenomenal hit series Walang Hanggan ug sa pelikula pud nga "One Moment in Time." Matud ni Julia wala matud siya nakabatyag nga na-agrabyado siya dinhi sa Ikaw Lamang.

Dili pasagdan sa network

Wala mahulga si Julia Montes nga nilugwa na karon si Julia Barreto sa ABS-CBN ug gitakda nga pasikaton sa network pinaagi sa hapit na magsugod nga "Mirabella" kauban sila si Sam Concepcion ug Enrique Gil. Matud pa niya nga mas nauna pa niya si Barreto sa industriya sanglit sikat na kining daan niadtong child star pa lamang siya. Gawas pa, masaligon si Julia nga dili siya pasagdan sa network ug adunay igong lugar para nilang duruha ni Barreto.

Mayo ang airing

Sa Mayo ang target airing sa "Ang Dalawang Mrs. Real" sa GMA-7. Mao kini ang unang teleserye ni Diamond Star Maricel Soriano isip Kapuso ug usa kini ka heavy drama ug makauban niya sila si Dingdong Dantes, Lovi Poe ug Ms. Helen Gamboa. Ugma puhon gitakda ang story conference ug sa March 17, ang first taping day.

Makigtagbo kang Antonette

Andam makighimamat kang Antonette Taus si Marian Rivera. Tubag ni Marian sa pangutana kabahin niini: Why not? Why not? Kahinumduman nga una nang gipadayag ni Antonette nga nanghinaot siya nga tagdon siya ni Marian ug magkahigala sila. Si Antonette ang kanhi uyab ni Dingdong Dantes, mas una pa kay ni Karylle.

Dili pwede ang boobs

Makita sa mga nasud sa Pakistan,  Bangladesh, India, Japan,  South Korea ug uban pang Asian countries ang It Takes Gutz to be a Gutierrez, ang sis-part reality series sa pamilyang Gutierrez. Gumikan niini, magmatngon gayud si Ruffa nga dili makita ang iyang boobs sanglit Muslim countries ang pipila sa ilang audience. Mahimo ra hinuon siyang mag-swimsuit. Ang E Channel maoy mupasalida sa maong reality series.