Gibaligya ang yuta

CEBU, Philippines - Usa sa nakalangan sa shooting sa pelikulang When The Love Is Gone mao nga ang usa sa lokasyon niini gibaligya sa tag-iya ang yuta  busa 10% nga eksena sa maong pelikula gi-reshoot. Suma pa nga duna pa unta’y mga eksena nga himoon sa maong lokasyon apan dili na kini   mahimo hinungdan gikinahanglan ang reshoot. Ang maong pelikula nga gibidahan nila ni Cristine Reyes, Andie Eigenmann ug Gabby Concepcion ipasalida na karong Nobiyembre 27.

Wala’y kisaw

Gidungog nga magdugang og hosts ang programang Showbiz Police nila ni Raymond Gutierrez ug Cristy Fermin sa TV5.  Giingong wala kaayo’y kisaw sa dihang nagsugod ang maong programa.

Instant Mommy ipasalida sa Dubai

Ang pelikulang Instant Mommy nila ni Eugene Dominggo ug Rico J. Puno nalakip sa Dubai International Film Festival. Paninguhaon ni Eugene nga makatikang sa Dubai aron mahimamat niya ang fans sa maong dapit.

Dedma ang show

Nagbaha karon ang suitors ni Jennylyn Mercado apan gipang-dedma lang kini sa aktres. Una na niya nga gipadayag nga dili pa siya andam mosulod pagbalik og relasyon ilabi na nga bag-ohay pa lang sila nagbuwag ni Luis Manzano.

Mumbai Love

Si Solenn Heussaff ang bida sa pelikulang Mumbai Love sa Capestone Pictures Inc. ug Solar Entertainment Corporation. Naghinam-hinam na si Solenn sa maong pelikula gumikan kay love story ang tema niini.

Bag-ong Nida ug Dolphy

Gikatahong susama og konsepto sa sitcom niadto nila ni anhing Dolphy ug Nida Blanca  nga John En Marsha ang bag-ong show nila ni Toni Gonzaga ug John Lloyd Cruz sa ABS-CBN nga Home Sweetie Home.

Okay lang

Giklaro ni Ryzza Cenon nga wala siya mahiubos sa GMA-7 human wala siya gihimong  mainstay sa weekly musical-variety show sa  GMA nga Sunday All Stars (SAS).  “Gini-guest naman nila ako,  pero okey lang,” suma pa sa aktres.

Mikael: Single ko!

Giklaro ni Mikael Daez nga sukad siya nisulod sa showbiz, wala pa gyud siya nakauyab og balik. Giklaro sa aktor nga dili sila uyab ni Miss World 2013 Megan Young. “I’m single,” hirit pa ni Mikael.

Rocco sa Rated K

Temporaryong molugwa sa ABS-CBN  ang Kapuso star nga si   Rocco Nacino sa programang  Rated K ni Korina Sanchez karong Domingo.  I-promote ni Rocco sa nahisgutang programa ang umaabot niya nga pelikula sa Metro Manila Film Festival 2013 nga Pedro Calungsod: Batang Martir.  

Andi mobisita sa Tacloban

Personal mga motabang si Andi Eigenmann sa pag-apod-apod og relief packs sa mga biktima sa bagyo didto sa Tacloban. Gikatakda nga motikang ang aktres sa maong dapit sunod buwan. Iya usab nga gibaligya ang pipila niya ka mga personal nga butang aron makatigom og pundo.

Nakagawas na sa hospital

Malipayong gipahibalo ni Regine Velasquez nga nakagawas na sa tambalanan ang amahan niya nga nasakit. Kasamtangan kini nga gipaistar sa balay sa igsuon niya nga si Cacai Mitra.

Kadlawon na nahuman

Malipayon si  Mark Herras gumikan kay nagmalampuson ang iyang dance concert sa miaging gabii. Ang kita niini itabang sa mga biktima sa bagyong Yolanda nga niingo sa Visayas. Kadlawon nahuman ang maong show gumikan kay nagbaha ang mga Kapuso stars nga nisuporta niini.  

Kaliwat ni Regine naluwas

Nigaan na ang pamati ni Regine Velasquez human niya nasayri nga okay lang ang kahimtang sa iyang mga kaliwat didto sa Leyte. Matud pa nga naa sa bukirang bahin ang iyang mga kaliwat busa wala kini maapektohi sa dihang nitaas ang level sa tubig sa Leyte human kini gikuso-kuso sa bagyong Yolanda.

MMK gipangandoy ni Yeng

Nagmaya si Yeng Constantino gumikan kay nakadawat siya og mga positibong reaksyon sa pag-arte niya sa pelikulang “Shift”.  Target ni Yeng nga makabaton pa og dugang acting projects pangandoy niya nga malakip sa Maalaala Mo Kaya.

Nag-agad ni Jen

Wala pa’y final date sa pagsugod sa taping sa seryeng Rhodora X sa GMA-7 nga pagabidahan nila ni Jennylyn Mercado ug Mark Herras. Wala pa’y ideya si Jen kung kanus-a siya makabalik sa Manila. Nitikang  ang aktres  sa Tacloban aron pangitaon ang uban niya nga mga kabanay nga naapektohan sa bagyong Yolanda.

Anderson gibandilyo ang Pilipinas!

Milugwa sa Late Show with David Letterman didto sa Amerika, ang CNN anchor nga si Anderson Cooper niadtong November 19, ug naghisgot sa iyang coverage sa super tyhoon Haiyan (Yolanda) dinhi sa Pilipinas.

Suma pa ni Anderson nga dakong dungog alang kaniya ang nakataak siya sa Pilipinas ug nakahimo siya paghatag og tingog sa mga tawo nga wala’y kaisog pagpadayag sa ilang matuod nga gibati ingon man wala’y gahom.

"Bad things happen all around the world, but there's nothing sadder to me than a person who lived a good and decent life, whose family ends up dying on the side of the road, dissolving into nothing and nobody even notices their passing.

Iyang giklaro nga wala matud pay mga otoridad nga mitabang pagpangita sa mga nawala ug wala’y nagpadayag sa ilang mga istorya.

"I don't believe it really changes much, but I do believe in the power of, just of honoring those who have passed and learning their names, and learning who they are and the life they lived."

Kanhi PBB housemate gisikop

Gisikop ang kanhi  Pinoy Big Brother Teen Edition Plus housemate nga si Beauty Gonzalez sa mga sakop sa Criminal Investigation and Detection Group (CIDG)  ug Philippine National Police (PNP) gumikan sa kasong “obstruction of justice.”

Giingong nahitabo ang pagdakop kang Beauty o Christine Marie Gonzales  sa tinuod nga kinabuhi niadtong Nobyembre 18 sa Calapan, Mindoro.

  Sa website sa Island Sentinel, giingong nasikop si Beauty gumikan kay nisuway kini og paikyas sa iyang igsuon nga si Michael Ryan Gonzales gikan sa kustodiya sa CIDG.

Napriso si  Michael Ryan niadtong  November 14 sa Calapan City Port, sa Mindoro gumikan sa kasong human trafficking.

Ang kaso batok sa  igsuon sa aktres gipasaka sa  Department of Labor and Employment (DOLE) ug  Department of Social Welfare and Development (DSWD).

Matud pa nga nihangyo si  Beauty nga ipagawas una ang iyang igsuon nga sa CIDG detention cell gumikan kay duna lang sila’y paliton.   Sa dihang nakagawas na sila, dali nga niandar ang sakyanan sa aktres ug nidretso sa Calapan City Port.Kauban  ang driver, nisakay matud pa si  Beauty ug ang iyang igsuon sa passenger ferry paingon sa Batangas Port. Pinaagi sa  tabang sa mga sakop sa CIDG sa Batangas, napugngan ang pagsuway og ikyas sa igsuon ni Beauty nga si  Michael Ryan. Apan  base sa labing bag-o nga Twitter post ni Beauty,  giingong nakagawas na kini ug nibalik na sa iyang trabaho. Kasamtangang makita si Beauty sa  primetime soap sa ABS-CBN  nga Maria Mercedes.

Giingong mohatag ra og opisyal nga statement sa umaabot nga mga adlaw ang kampo ni Beauty pinaagi sa iyang abogado.

Ang legal counsel sa aktres nga si Atty. Charlotte Aguba Goco nipadala og statement ngadto sa PEP ug  nisaysay nga ang maong taho  resulta lang sa wala pagkasinabtanay ug nagpadayon pa ang imbestigasyon niini. “The allegations against Beauty Gonzalez are the result of pure misunderstanding. There is no case yet filed in court against her. The matter is still under investigation. We are confident that the legal process will eventually show the truth. Thank you,” suma pa ni Atty. Goco.

Angelica nagpa-abort?

Daw adunay nag-umbaw nga isyu nga tubagunon ang manag-uyab nga sila si Angelica Panganiban ug John Lloyd Cruz.

Una niini, na-feature si Angelica sa PEP kagahapon, sanglit gilusad siya isip endorser sa usa ka light brandy.

Sa artikulo nga sinuwat ni Tinna Bonifacio nahisgutan ang kabahin sa healthy lifestyle ni John Lloyd, diin mibalik na matud pa kini og biking ug running kun dunay panahon. Natuki pud ang ilang relasyon ug ang kasinatian ni Angelica didto sa Bohol atol sa linog sa milabay nga bulan.

Natuki pud ang posibilidad nga magminyo na sila si Angelica ug John Lloyd. Matud ni Angelica nga kun mu-propose niya si Loydie sunod tuig, sugtan gayud niya dayon. Kini kay niadtong bata pa siya, nanganti siya nga sa edad nga 28, magminyo na siya ug sa edad nga 30 manganak na siya.

Nasayran nga 27 na karon si Angelica. Kun wala matud pay proposal si Loydie sunod tuig, magpaabot gihapon siya. Apan kun mag-edad na siya og 31 ug wala gihapoy proposal si Loydie, mangita na matud pa siya og laing iyang mapakaslan.

Nindot ang dagan sa artikulo apan sa forum o comment section ubos niini, nagbaha ang negatibong reaksyon sa mga nakabasa.

Pasangil sa pipila kanila adunay dili maayong gihimo sila Angelica ug Loydie paglupad nila didto sa Singapore duha na ka semana ang milabay.

“aaliyah2a :paki share nga kung ano yung sinabi niya tungkol sa ginawa nila sa Singapore dahil wala na dito sa article?”

 â€œamprettypakimo: so it's true nagpalaglag nga ang babaeng ito hay naku day sinayang mo sarili mo sa lalaking lasenggerong yan tapos gusto mo pang magpakasal sa ganyang klaseng lalaki OMG kilabutan ka at sana makunsensya kayo sa ginawa nyong pagpatay sa sarili nyong anak. Akala nyo siguro di lalabas ang totoo? walang lihim na hindi nabubunyag ANGEL pa naman ang pangalan mo. Kung makapagsalita ka kay Melai ganun ganun na lang at least sya pinanagutan eh ikaw? San ka pupulutin ngayon? At umaasa kang papakasalan nyan? sa ginawa nya sa anak nyo sa tingin mo papakasalan ka? kung mahal ka nyan di nya ilalagay sa alanganin ang buhay nyong magina. Matakot kayo sa karma.”

“benj_aquino59 :Lalo kang Hindi pakasalan lalo na may nilag lag ka na bata don sa Singapore! Hwag ng umasa mapahiya ka na naman!” “Memel123 : mukha ngang hindi pa kayo ready na magka baby kaya pala nasa Singapore kyo 2wks ago. Sa tingin mo Angel after ng ginawa nyo sa Singapore seryoso ang lalaking yan sayo? Ewan ko lang.”